18616 ۔۔۔ حضرت حسن (رض) سیدنا حضرت علی المرتضی (رض) سے روایت کرتے ہیں کہ رسول اللہ (صلی اللہ علیہ وآلہ وسلم) نے ارشاد فرمایا : میرے پاس ایک فرشتہ آیا اور بولا : اے محمد ! اللہ آپ کو سلام فرماتا ہے اور فرماتا ہے : اگر تم چاہو تو میں وادی بطحاء کو تمہارے لیے سونے کا بنا دوں ۔ حضور اکرم (صلی اللہ علیہ وآلہ وسلم) نے اپنا سر آسمان کی طرف اٹھایا اور عرض کیا : اے پروردگار ! میں ایک دن سیر ہو کر کھاؤں اور تیرا شکر کروں اور ایک دن بھوکا رہوں اور آپ سے سوال کروں (یہ مجھے زیادہ پسند ہے) ۔ (رواہ العسکری)