18617 ۔۔۔ ابوالبختری سیدنا حضرت علی المرتضی (رض) سے روایت کرتے ہیں سیدنا حضرت علی المرتضی (رض) فرماتے ہیں کہ ایک مرتبہ سیدنا حضرت عمر ابن خطاب (رض) نے لوگوں کو ارشاد فرمایا : تمہارا کیا خیال ہے کہ اس مال (بیت المال) میں سے ہمارا کیا حق ہے ؟ لوگوں نے کہا : یا امیر المؤمنین ! ہم نے آپ کو آپ کے گھر والوں کے کام کاج سے ، آپ کی گذر بسر اور تجارت وغیرہ سے مشغول کردیا ہے۔ پس آپ جو چاہیں لے لیں ۔ سیدنا حضرت عمر ابن خطاب (رض) نے مجھے فرمایا : آپ کیا کہتے ہیں ؟ سیدنا حضرت علی المرتضی (رض) نے فرمایا : لوگ آپ کو مشورہ دے چکے ہیں۔ سیدنا حضرت عمر ابن خطاب (رض) نے مجھے تاکیدا فرمایا : نہیں تم بتاؤ میں نے کہا کہ آپ اپنے یقین کو گمان نہ بنائیں (جس قدر خرچ کا آپ کو یقین ہے وہ لے لیں اور ظن و گمان کی بناء پر زائد نہ لیں) سیدنا حضرت عمر ابن خطاب (رض) نے فرمایا : پھر آپ خود میرے لیے حصہ نکال دیں ۔ سیدنا حضرت علی المرتضی (رض) فرماتے ہیں : میں نے کہا : ہاں میں ضرور نکال دوں گا ۔ کیا آپ کو وہ واقعہ یاد ہے کہ آپ کو نبی کریم (صلی اللہ علیہ وآلہ وسلم) نے صدقات کی وصولی کے لیے بھیجا تھا ۔ پھر آپ حضرت عباس بن عبدالمطلب کے پاس آئے انھوں نے آپ کو صدقہ (زکوۃ ) دینے سے انکار کردیا۔ پھر آپ دونوں کے درمیان کچھ تکرار ہوئی ۔ آپ نے مجھے کہا : میرے ساتھ نبی (صلی اللہ علیہ وآلہ وسلم) کے پاس چلو ۔ تاکہ ہم دونوں عباس کے متعلق حضور کو خبر دیں ۔ چنانچہ ہم دونوں حضور اکرم (صلی اللہ علیہ وآلہ وسلم) کے پاس حاضر خدمت ہوگئے ۔ اگلے روز آپ کے پاس گئے تو آپ کو ہشاش بشاش پایا ۔ تب میں نے آپ (صلی اللہ علیہ وآلہ وسلم) کو حضرت عباس (رض) کے متعلق ساری خبر سنائی ۔ حضور اکرم (صلی اللہ علیہ وآلہ وسلم) نے بجائے مجھے خبر دینی چاہیے تھی) حضرت علی (رض) فرماتے ہیں پھر ہم نے آپ سے پچھلے دن آپ کی طبیعت کی ناسازی کی اور آج کے دن طبیعت کی خوشگواری کی وجہ پوچھی ۔ حضور اکرم (صلی اللہ علیہ وآلہ وسلم) نے ارشاد فرمایا : تم جب پچھلے دن میرے پاس آئے تھے اس دن صدقہ کے مال میں سے دو دینار میرے پاس بچ گئے تھے جن کی وجہ سے میری طبیعت پر ان کا بار تھا ۔ اور آج جب تم آئے ہو اور مجھے ہشاش بشاش اور خوش دیکھ رہے اس کی وجہ بھی وہی دینار ہیں کیونکہ وہ (راہ خدا میں) خرچ ہوچکے ہیں۔ سیدنا حضرت علی المرتضی (رض) فرماتے ہیں : تب سیدنا حضرت عمر ابن خطاب (رض) (بات سمجھ گئے اور) مجھے ارشاد فرمایا : میں دنیا و آخرت میں تمہارا شکر گزار ہوں ۔ (مسند احمد ، مسند ابی یعلی ، الدورقی ، السنن للبیھقی ، مسند البزار) امام بزار (رح) فرماتے ہیں اس روایت کی سند میں سیدنا حضرت علی المرتضی (رض) اور ابو البختری کے درمیان کوئی (ارسال ہے اور) کوئی راوی متروک ہے۔