23509 ۔۔۔ ” مسند علی (رض) “ حنش کی روایت ہے کہ ایک مرتبہ سورج گرہن ہوا سیدنا حضرت علی المرتضی (رض) نے لوگوں کو نماز پڑھائی اور نماز میں سورت یس اور اس جیسی کوئی اور سورت پڑھی ، ایک روایت ہے کہ آپ (رض) سورت حجر اور سورت یس پڑھی ایک روایت میں ہے کہ سورة یسن اور سورة روم پڑھی ۔ پھر آپ (رض) نے سورت کے بقدر رکوع کیا پھر رکوع سے سر اٹھایا اور ” سمع اللہ لمن حمدہ “۔ کہا پھر اسی طرح سورت کے بقدر قیام کیا پھر اسی کے بقدر رکوع کیا اسی طرح آپ (رض) نے چار رکوع کیے پھر ” سمع اللہ لمن حمدہ “ کہا اور پھر ایک سجدہ کیا پھر دوسری رکعت کے لیے کھڑے ہوئے اور اسی طرح پڑھی جس طرح پہلی رکعت پڑھی تھی ایک روایت میں ہے کہ آپ (رض) ان دو سورتوں یعنی یسین اور حجر میں سے ایک سورت پڑھی پھر آپ (رض) بیٹھ گئے اور دعا میں مشغول ہوگئے پھر آپ (رض) نے حدیث سنائی کہ حضور اکرم (صلی اللہ علیہ وآلہ وسلم) ایسے موقع پر اسی طرح کرتے تھے ۔ مرواہ ابن ابی شیبۃ واحمد بن حنبل وابن خزیمۃ والطحاوی وابن جریر وابو القاسم بن مندہ فی کتاب الخشوع والبیہقی)