25639 ۔۔۔ اوس بن عبداللہ بن حجر اسلمی کی روایت ہے کہ رسول اللہ (صلی اللہ علیہ وآلہ وسلم) میرے پاس سے گزرے آپ کے ساتھ ابوبکر (رض) بھی تھے جبکہ آپ دونوں حجفہ اور ھرشی کے درمیان گفتگو کرتے جا رہے تھے جبکہ یہ دونوں حضرات ایک اونٹ پر سوار تھے اور مدینہ کی طرف جا رہے تھے اوس بن عبداللہ (رض) نے آپ (صلی اللہ علیہ وآلہ وسلم) اور ابوبکر (رض) کو ایک نر اونٹ پر سوار کیا اور ان کے ساتھ اپنا ایک غلام بھی بھیجا جسے مسعود کہا جاتا تھا اوس (رض) نے غلام سے کہا : ان کے ساتھ چلو جہاں بھی مختلف راستوں میں جائیں ان سے جدا نہیں ہونا حتی کہ جب یہ تجھ سے اور تیرے اونٹ سے اپنی ضرورت پوری کریں چنانچہ غلام انھیں لے کر ” تنیہ ومجا “ لے گیا پھر ” ثنیہ کو ذبہ “ میں لے گیا پھر مقام احیاء کی طرف متوجہ ہوا پھر شعبہ ذات کشط مدلج ، غیشامہ اور پھر ثنتہ مرہ سے ہوتے ہوئے مدینہ لے آیا آپ نے اور ابوبکر (رض) نے اپنی ضرورت پوری کرلی تھی پھر رسول اللہ (صلی اللہ علیہ وآلہ وسلم) نے مسعود کو اس کے مالک اوس بن عبداللہ کو واپس کردیا اوس (رض) نے اپنے اونٹوں کے متعلق قدرے لاپرواہی کا مظاہرہ کیا تھا رسول اللہ (صلی اللہ علیہ وآلہ وسلم) نے غلام سے کہا کہ اوس سے کہو اپنے اونٹوں کی گردن پر داغ لگائے ۔ (رواہ البغوی وابن السکن وابن مندہ والطبرانی وابو نعیم وقال ابن عبدالبر : حدیث حسن)