2980: سورة الانعام : بہرحال یہ آنے والا تھا لیکن بعد میں ٹال دیا گیا۔ (مسند احمد ترمذی بروایت سعد (رض) بن ابی وقاص۔
فائدہ : جب فرمان الہی نازل ہوا :
قل ھو القادر علی ان یبعث علیکم عذابا من فوقکم۔ الانعام : 65 ۔
کہہ دے اس کو قدرت ہے اس پر کہ عذاب بھیجے تم پر۔
تو نبی کریم (صلی اللہ علیہ وآلہ وسلم) نے اس پر مذکورہ فرمان ارشاد فرمایا جس کا مطلب یہ ہے کہ خدا تم پر عذاب بھیجنے پر پوری طرح قادر ہے لیکن اس کی رحمت ہے کہ اس نے تم پر بھیجنے کی ضرورت نہیں سمجھی۔
کلام : امام ترمذی (رح) نے اس روایت کو حسن اغریب قرار دیا ہے یعنی ایک طریق سے یہ روایت حسن ہے اور قابل اعتبار۔