30120 ۔۔۔ ” مسند بریدہ بن خصیب اسلمی “ حضرت بریدہ (رض) کی روایت ہے کہ غزوہ خیبر کے موقع پر سیدنا حضرت ابوبکر صدیق (رض) نے جھنڈا لیا آپ (رض) جہد مسلسل کے باوجود واپس لوٹ آئے اور قلعہ فتح نہ ہوا دوسرے دن سیدنا حضرت عمر بن خطاب (رض) نے جھنڈا لیا اور یوں فتح ان کے ہاتھ پر بھی مقدر نہ تھی ابن مسلمہ قتل ہوا اور لشکر واپس لوٹ آیا ، نبی کریم (صلی اللہ علیہ وآلہ وسلم) نے فرمایا : میں (صبح کو) جھنڈا ایسے شخص کو دوں گا جو اللہ تعالیٰ اور اس کے رسول سے محبت کرتا ہے اور اللہ اور اس کا رسول اس سے محبت کرتا ہے وہ بغیر فتح کیے واپس نہیں لوٹے گا چنانچہ ہم نے رات گزاری اور ہم خوش تھے کہ کل فتح نصیب ہوگی نبی کریم (صلی اللہ علیہ وآلہ وسلم) نے صبح کی نماز پڑھائی پھر جھنڈا منگوایا ہم میں سے کوئی شخص بھی نہیں تھا جو اس امید میں نہ ہو کہ یہ شرف اسے حاصل ہو حتی کہ اس شرف کے حصول کے لیے میں نے طمع میں سر اوپر اٹھا لیا ، تاہم آپ (صلی اللہ علیہ وآلہ وسلم) نے سیدنا حضرت علی المرتضی (رض) کو بلایا انھیں آشوب چشم کی شکایت تھی پھر آپ (صلی اللہ علیہ وآلہ وسلم) ے سیدنا حضرت علی المرتضی (رض) کو جھنڈا دیا اور قلعہ ان کے ہاتھ پر فتح ہوا ۔ (رواہ ابن جریر)