30153 ۔۔۔ ابو اسامہ ہشام اپنے والد عروہ سے روایت نقل کرتے ہیں کہ نبی کریم (صلی اللہ علیہ وآلہ وسلم) حدیبیہ کی طرف نکل پڑے صلح حدیبیہ کا واقعہ شوال کے مہینہ میں رونما ہوا چنانچہ جب آپ (صلی اللہ علیہ وآلہ وسلم) عسفان پہنچے تو آپ کو بنی کعب کا ایک شخص ملا اس نے کہا : یا رسول اللہ ! ہم نے قریش کو اس حال میں چھوڑا ہے کہ انھوں نے اپنے تمام خاندان آپ کے خلاف جمع کرلیے ہیں اور انھیں گوشت میں بنایا گیا چورا کھلایا جاتا ہے وہ آپ کو بیت اللہ سے روکنا چاہتے ہیں جب نبی کریم (صلی اللہ علیہ وآلہ وسلم) عسفان میں نمودار ہوئے تو آپ (صلی اللہ علیہ وآلہ وسلم) کی قریش کے چھوٹے سے لشکر سے مڈبھیڑ ہوگئی اس کی کمان خالد بن ولید کے ہاتھ میں تھی آپ نے خالد بن ولید کی خبر پاتے ہی راستہ تبدیل کردیا حتی کہ مقام عمیم پر پہنچے اور یہاں پہنچ کر لوگوں سے خطاب کیا اللہ تعالیٰ کی حمد وثناء کے بعد فرمایا : اما بعد ! قریش نے تمہارے خلاف انڈے بچے جمع کر لیئے ہیں اور تمہیں بیت اللہ کے پاس جانے سے روکنا چاہتے ہیں۔ تم لوگ جو بہتر سمجھتے ہو مجھے مشورہ دو تم اہل مکہ کی سرکوبی کرنا چاہتے ہو یا ان قبائل کی جنھوں نے اہل مکہ کی معاونت کی ہے کی عورتوں اور بچوں پر چھاپہ مارنا چاہتے ہو یوں قریش ان کے معاونین شکست خوردہ ہوجائیں گے اگر اہل مکہ ہمارا پیچھا کریں گے رسوا ہوں گے اور اللہ تعالیٰ انھیں ذلیل کرے گا سیدنا حضرت ابوبکر صدیق (رض) نے فرمایا : اگر آپ اہل مکہ پر چڑھائی کرنا چاہتیے ہیں تو اللہ تعالیٰ آپ کی مدد کرے گا اور آپ کو غلبہ عطا کرے گا جبکہ حضرت مقداد بن اسود (رض) نے فرمایا : یا رسول اللہ ! بخدا ! ہم بنی اسرائیل کی طرح نہیں کہ انھوں نے اپنے نبی سے کہا تھا : تم اور تمہارا رب دونوں جاؤ اور جنگ لڑو ہم یہیں بیٹھے رہیں گے لیکن ہم یوں کہتے ہیں کہ آپ اور آپ کا رب جنگ کے لیے جائیں ہم آپ کے شانہ بشانہ لڑیں گے چنانچہ نبی کریم (صلی اللہ علیہ وآلہ وسلم) مکہ پہنچنے کے ارادہ سے چل پڑے جب حرم کے قریب پہنچے آپ کی جدعاء نامی اونٹنی بیٹھ گئی صحابہ کرام رضوان اللہ تعالیٰ عنہم اجمعین کہنے لگے : اونٹنی تھک گئی جبکہ آپ (صلی اللہ علیہ وآلہ وسلم) نے فرمایا : بخدا ! اونٹنی نہیں تھکی اسے تو اسی ذات نے آگے بڑھنے سے روک دیا ہے جس نے ہاتھیوں کو آگے جانے سے روک دیا تھا مجھے قریش حرم پاک کی تعظیم کی دعوت دیں اور مجھ سے آگے بڑھ جائیں ایسا نہ ہونے پائے آپ (صلی اللہ علیہ وآلہ وسلم) نے صحابہ کرام رضوان اللہ تعالیٰ عنہم اجمعین سے فرمایا جبکہ آپ گھاٹی میں دائیں طرف مڑگئے اسی جگہ کو ذات الحنظل کہا جاتا ہے حتی کہ آپ حدیبیہ میں آن پہنچے ۔ جوں ہی حدیبیہ پہنچے لوگوں نے شدت پیاس کی شکایت کی جبکہ کنویں میں پانی برائے نام تھا آپ نے صحابہ کرام رضوان اللہ تعالیٰ عنہم اجمعین کو اپنے ترکش سے تیر نکال کردیا اور فرمایا : اے کنویں میں گاڑ دو صحابہ کرام رضوان اللہ تعالیٰ عنہم اجمعین نے کنویں میں پانی تیر گاڑا پانی سے پھوٹ پڑا کافی اوپر آگیا حتی کہ لوگ پانی سے سیر ہوگئے جب قریش نے شور سنا تو انھوں نے بنی حیس کا ایک شخص بھیجا یہ وہ لوگ تھے جو حرم کے جانوروں کی تعظیم کرتے تھے اس نے کہا : جانوروں کو بھیج دو جب اس نے مسلمانوں کی طرف سے کوئی جواب نہ سنا واپس قریش کے پاس چلا گیا اور کہا : اے میری قوم ! مسلمانوں نے کہا : جانوروں کو نشان زدہ کرکے لایا ہے ان کے گلوں میں قلائد ڈال رکھے ہیں قریش کو ڈرایا دھمکایا اور بیت اللہ کے پاس آنے والوں کی تعظیم کرنے کی ہدایت کی قریش نے اسے سخت وسست کہا اور انھیں گالیاں دیں اور کہا : تو گنوار ہے اور اجڈ ہے ہم تجھ پر تعجب نہیں کرتے ہمیں خود اپنے اوپر تعجب ہے جو تمہیں قبل ازیں مسلمانوں کے پاس بھیجا میں تم یہیں بیٹھ جاؤ ۔ پھر قریش نے عروہ بن مسعود ثقفی سے کہا : تم محمد کے پاس جاؤ اور اپنے پیچھے خیال رکھنا عروہ چل پڑا اور رسول کریم (صلی اللہ علیہ وآلہ وسلم) کے پاس آگیا اور کہا : اے محمد ! میں نے عرب کا کوئی شخص نہیں دیکھا جو تمہاری طرح چلا ہو تم اپنے نام لیواؤں کو لے کر آئے ہو اور اپنے خاندان کو ختم کرنا چاہتے ہو تمہیں معلوم ہے کہ میں کعب بن لوی کے پاس سے آرہا ہوں انھوں نے چیتوں کی کھالیں پہن لی ہیں اور قسمیں کھا رہے ہیں کہ تم جس طرح بھی ان سے تعرض کرو گے وہ اسی طرح تم سے پیش آئیں گے یہ سن کر نبی کریم (صلی اللہ علیہ وآلہ وسلم) نے فرمایا : ہم جنگ وجدل کے کے لیے نہیں آئے البتہ ہم تو عمرہ کرنے آئے ہیں اور ذبح کے لیے جانور لائے ہیں تم اپنی قوم کے پاس جاؤ تمہاری قوم اونٹ پالتی ہے اور اونٹ لڑائی سے دور بھاگتے ہیں اب ان کے لیے جنت میں کوئی بھلائی نہیں چونکہ جنگ ان میں سے چیدہ چیدہ افراد کو ہڑپ کرچکی ہے بیت اللہ تک پہنچے میں میری رکاوٹ نہ ہونا کہ ہم عمرہ ادا کریں اور لائے ہوئے جانور ذبح کرلیں وہ میرے اور اپنے درمیان مدت مقرر کردیں ان کی عورتیں اور بچے امن میں ہوں گے مجھے اور لوگوں کو چھوڑ دیں بخدا ! میں اس دعوت پر میں ہر گورے اور کالے سے لڑوں گا تاوقتیکہ اللہ تعالیٰ مجھے ان پر غلبہ عطا کرے اگر لوگوں نے مجھے پالیا تو یہی ان کی چاہت ہے اگر اللہ تعالیٰ نے مجھے ان پر غلبہ دے دیا تو انھیں اختیار ہے (یا تو حد سے بڑھتے ہوئے جنگ کرتے رہیں یا اسلام میں داخل ہوجائیں عروہ یہ گفتگو سن کر واپس لوٹ گیا اور کہا : اے لوگو ! تم جانتے ہو کہ سطح زمین پر مجھے تم سے زیادہ محبوب کوئی قوم نہیں تم میرے بھائی ہو اور لوگوں میں سب سے زیادہ محبوب ہو میں نے محبت میں تمہارے لیے لوگوں سے مدد طلب کی جب لوگوں نے تمہاری مدد نہ کی میں اپنے اہل و عیال کو لے کر تمہارے پاس آگیا تاکہ تمہاری غمخواری کرسکوں بخدا ! تمہارے بعد مجھے زندگی سے کوئی لگاؤ نہیں تم جانتے ہو میں بڑے بڑے بادشاہوں کے پاس آگیا ہوں میں نے بڑے بڑے سرداروں کو دیکھا ہے اللہ کی قسم میں نے عقیدت تعظیم واجلال کا جو منظر محمد (صلی اللہ علیہ وآلہ وسلم) کے ساتھیوں میں دیکھا وہ کسی بادشاہ یا سردار کے ہاں نہیں دیکھا ۔ جب تک اس کے ساتھی اجازت نہ لیں بات نہیں کرتے اگر محمد (صلی اللہ علیہ وآلہ وسلم) اجازت دے تب وہ بات کرنے پاتے ہیں ، اگر وہ اجازت نہ دے خاموش رہتے ہیں ، جب وہ وضو کرتا ہے وت اس کے غسالہ کو اس کے ساتھی سروں پر ملتے ہیں ، جب قریش نے عروہ کی گفتگو سنی تو نبی کریم (صلی اللہ علیہ وآلہ وسلم) کی طرف سہیل بن عمرو اور مکرز بن حفص کو بھیجا اور کہا : محمد (صلی اللہ علیہ وآلہ وسلم) کے پاس جاؤ اور دیکھو جو کچھ عروہ نے کہا ہے اگر سچ ہے تو اس سے صلح کرلو اور کہو کہ اس سال واپس چلے جائیں گے اور بیت اللہ کے پاس جاؤ اور دیکھو جو کچھ عروہ نے کہا ہے اگر سچ ہے تو اس سے صلح کرلو اور کہو کہ اس سال واپس چلے جائیں اور بیت اللہ کے پاس کوئی نہ جائے چنانچہ سہیل اور مکرز نبی کریم (صلی اللہ علیہ وآلہ وسلم) کے پاس آگئے حالات دیکھ کر صلح کی پیشکش کی آپ نے صلح قبول کرلی اور فرمایا لکھو، بسم اللہ الرحمن الرحیم ، قریش نے کہا بخدا ہم یہ کسی طرح بھی نہیں لکھیں گے فرمایا : کیوں ؟ قریش نے کہا : ہم تو ” بسمک اللہم “ لکھیں گے فرمایا چلو یہی لکھو قریش نے بسم اللہ کے بجائے یہ کلمات لکھے پھر فرمایا : لکھو یہ وہ صلح نامہ ہے جو محمد رسول اللہ (صلی اللہ علیہ وآلہ وسلم) نے لکھوایا ہے قریش نے کہا : بخدا ہمیں تو اسی میں اختلاف ہے فرمایا : پھر میں کیا لکھوں قریش نے کہا : محمد بن عبداللہ لکھو یہی بہتر ہے فرمایا یہی لکھو : چنانچہ یہی لکھ لیا ان کی شرائط میں تھا کہ دھوکا اور فریب نہیں ہوگا یہ کہ جو شخص تمہارے پاس چلا جائے گا تم اسے واپس کرو گے اور جو شخص ہمارے پاس آئے گا ہم اسے واپس نہیں کریں گے نبی کریم (صلی اللہ علیہ وآلہ وسلم) نے فرمایا : جو شخص میرے ساتھ داخل ہوگا وہ میری شرائط میں برابر کا شریک ہوگا قریشے بھی یہی بات کہی بنو کعب نے کہا : یا رسول اللہ (صلی اللہ علیہ وآلہ وسلم) ہم آپ کے ساتھ ہیں جبکہ بنو بکر نے کہا : ہم قریش کے ساتھ ہیں اسی اثناء میں ابو جندل (رض) بیڑیوں میں جکڑے ہوئے آئے مسلمانوں نے کہا : ابو جندل ہیں رسول اللہ (صلی اللہ علیہ وآلہ وسلم) نے فرمایا : یہ میرے حصہ میں ہے سہیل نے کہا : یہ میرے حصہ کا آدمی ہے پھر کہا : چلو صلح نامہ پڑھو چنانچہ صلح نامہ کی رو سے ابو جندل (رض) مشرکین کے حصہ میں آئے سیدنا حضرت عمر بن خطاب (رض) نے فرمایا : اے ابو جندل ! یہ ہے تلوار اور وہ بھی تو ایک آدمی ہے سہیل نے کہا : اے عمر تم نے مجھ پر ظلم کیا نبی کریم (صلی اللہ علیہ وآلہ وسلم) نے فرمایا : اسے مجھے ہبہ کر دو سہیل نے انکار کیا فرمایا : چلو اسے میری پناہ میں دے دو اس کا بھی انکار کیا مکرز نے کہا : اے محمد (صلی اللہ علیہ وآلہ وسلم) میں نے اسے تمہاری پناہ میں دیا ۔ (رواہ ابن ابی شیبۃ)