30267 ۔۔۔ حضرت عبداللہ بن عمرو (رض) کی روایت ہے کہ جب نبی کریم (صلی اللہ علیہ وآلہ وسلم) نے اسامہ (رض) کو لشکر کا امیر مقرر کیا تو آپ کو معلوم ہوا کہ کچھ لوگ اسامہ (رض) کی امارت پر تنقید کر رہے ہیں تو آپ نے لوگوں سے خطاب کیا اور فرمایا : خبردار ! شنید ہے کہ تم لوگ اسامہ کی امارت پر تنقید کر رہے ہو جبکہ تم لوگ قبل ازیں اس کے باپ پر بھی تنقید کرچکے ہو بلاشبہ اس کا باپ امارت کا سزاوار تھا اور مجھے سب سے زیادہ محبوب تھا اس کے بعد اس کا بیٹا مجھے سب سے زیادہ محبوب ہے لہٰذا اس کے ساتھ بہتر سلوک کرو چونکہ وہ تمہارے بہترین لوگوں میں سے ہے۔ سالم کہتے ہیں : ابن عمر (رض) نے جب بھی یہ حدیث سنائی ضرور کہا : بخدا ! سوائے فاطمہ (رض) کے یعنی رسول اللہ (صلی اللہ علیہ وآلہ وسلم) نے جو یہ فرمایا کہ اسامہ مجھے سب سے زیادہ محبوب ہے تو حضرت عبداللہ بن عمرو (رض) نے اس سے فاطمہ (رض) کو مستثنی رکھا ۔ (رواہ ابن عساکر)