٣٦٨٦٥۔۔۔ حضرت بشیر بن خصاصیہ (رض) کہتے ہیں : میں رسول اللہ (صلی اللہ علیہ وآلہ وسلم) کی خدمت میں حاضر ہوا میں نے عرض کیا : یا رسول اللہ ! آپ کس شرائط پر بیعت لیتے ہیں : رسول اللہ (صلی اللہ علیہ وآلہ وسلم) نے اپنا ہاتھ پھیلایا اور فرمایا : یہ کہ تم گواہی دو اللہ کے سوا کوئی معبود نہیں وہ تنہا ہے اور اس کا کوئی شریک نہیں یہ کہ محمد اس کا بندہ اور اس کا رسول ہے یہ کہ ہر وقت نماز پنجگانہ ادا کرو فرض زکوۃ ادا کرو رمضان کے روزے رکھو بیت اللہ کا حج کرو اور اللہ تعالیٰ کی راہ میں جہاد کرو میں نے عرض کیا : یا رسول اللہ ! میں بجز دو کے سب ارکان کی طاقت رکھتا ہوں میں زکوۃ نہیں دے سکتا چونکہ بخدا میرے پاس دس اونٹ بکریاں ہیں جو میرے گھر والوں کی ضرورت ہیں اور بوجھ لادنے کے کام آتے ہیں میں جہاد کی طاقت نہیں رکھتا چونکہ میں بزدل شخص ہوں جب کہ لوگوں کا کہنا ہے جو میدان جنگ سے بھاگ جائے وہ اللہ تعالیٰ کے غصہ کا مستحق ہوجاتا ہے میں خوفزدہ ہوں کہ اگر جنگ چھڑ جائے مجھے اپنی جان کے لالے پڑجائیں زور میں میدان جنگ سے بھاگ جاؤں یوں میں اللہ تعالیٰ کے غضب و غصہ کا مستحق ہوجاؤں رسول اللہ (صلی اللہ علیہ وآلہ وسلم) نے اپنا ہاتھ مند کرلیا پھر ہاتھ کو حرکت دی اور فرمایا : اے بشیر ! جب نہ صدقہ ہو نہ ہی جہاد ہو پھر تم جنت میں کیسے داخل ہوگے ؟ میں نے عرض کیا : یا رسول اللہ ! ہاتھ بڑھائیں میں بیعت کرتا ہوں چنانچہ آپ (صلی اللہ علیہ وآلہ وسلم) نے ہاتھ پھیلا دیا اور میں نے تمام ارکان کو بجالانے پر بیعت کرلی۔ (رواہ الحسن بن سفیان والطبرانی فی الاوسط و ابونعیم والحاکم والبیہقی وابن عساکر)