٣٧٠٤١۔۔۔ حضرت خریم بن فاتک (رض) کہتے ہیں : میں اپنے اونٹوں کی تلاش میں گھر سے نکلا چنانچہ مقام ” ابرق
العزاف “ میں اونٹ مجھے مل گئے میں نے وہیں اونٹ باندھ دیئے اور ایک اونٹ کی دستی کو سرہانہ بناکر وہیں لیٹ گیا یہ نبی کریم صلی اللہ علیہ کی ہجرت کے ابتدائی زمانہ کی بات ہے پھر میں نے کہا : میں ان وادی کے بڑے کرتے دھرتے کی پناہ مانگتا ہوں میں اس وادی کے عظیم کی پناہ مانگتا ہوں جاہلیت میں لوگوں کو جب کھلے آسمان تلے رارت ہوجائی اپنے بچاؤ کے لیے یہی کرتے تھے یکایک ہاتف غیبی کی آواز سنی کوئی کہہ رہا تھا۔
ویسحک عذباللہ ذی الجلال
منزل اللہ والا تبالی
مساھول ذی الجن من الاھوال
اذیذکراللہ علی الامیسال
قفی سول الارض والجبال
وصارکیدالجن فی سفال
الاالتقی و صالح الاعمال
تیرا ناس ہو ! اللہ عزوجل کی پناہ مانگ جو حلال و حرام کا نازل کرنے والا ہے اور اللہ کی توحید کا اقرار کر پھر تمہیں جنات کی ہول ناکیوں کی کوئی پروا نہیں ہوگی : جب زمین کے نشیب و فراز میں اللہ تعالیٰ کا ذکر کیا جارہا ہو جنات کے مکروفریب بیکار ہوجاتے ہیں صرف تقویٰ اور نیک اعمال ہی کام آتے ہیں۔
میں نے جواب میں یہ شعر بڑھ دیا :
یا ایھا الداعی ماتخیل
رشدعندک ام تضلیل
اے پکارنے والے : تمہارا کیا خیال ہے آیا کہ تمہارے پاس رشد و ہدایت ہے یا سراسر گمراہی ہے۔
اس نے جواب میں کہا :
ھذا رسول اللہ ذوالخیرات
جاء بیاسین وحامیمات
وسور بعد مفصلات
محرمات ومحلات
یامرابالصوم والصلاۃ
ویزجدالناس عن الھنات
قدکن فی الانامنکرات
یہ اللہ کا رسول ہے جو بھلائیوں کا سراپا ہے جو یسں اور ہم والی سورتیں لایا ہے جو مفصلات اور دیگر بہت ساری سورتیں
لایا ہے وہ سورتیں حلال کرنے والی بھی ہیں اور حرام کرنے والی بھی ہیں وہ نماز اور روزے کا حکم دیتا ہے اور لوگوں کو برائیوں سے روکتا ہے جب کہ لوگوں میں منکرات کا اضافہ ہورہا ہے۔
میں نے کہا : اللہ تعالیٰ تم پر رحم کرے تو ہے کون ؟ اس نے کہا : میں مالک بن مالک ہوں مجھے رسول اللہ (صلی اللہ علیہ وآلہ وسلم) نے اہل نجد کے جنات پر امیر مقرر کرکے بھیجا ہے۔ میں نے کہا : اگر میرے ان اونٹوں کی کوئی دیکھ بھال کرتا میں اس رسول اللہ (صلی اللہ علیہ وآلہ وسلم) کے پاس جاتا اور اس پر ایمان لاتا ۔ اس نے کہا : میں تمہارے اونٹوں کی ذمہ داری لیتا ہوں حتیٰ کہ میں انھیں صبح شام تیرے گھر والوں تک پہنچادوں انشاء اللہ تعالیٰ ۔ میں نے ایک اونٹ تیار کیا اور مدینہ پہنچ گیا اس وقت لوگ نماز جمعہ میں تھے میں نے سوچا لوگ نماز پڑھ لیں میں پھر داخل ہوں گا چونکہ میں تھکا ہوا تھا اتنی دیر میں میں تھوڑا سستا بھی لیتا ہوں، میں نے اپنااونٹ بٹھایا۔ اتنے میں ابوذرغفاری (رض) میری طرف باہر نکلے اور مجھ سے کہا : رسول اللہ (صلی اللہ علیہ وآلہ وسلم) تمہیں اندر آنے کا حکم دیتے ہیں۔ جب آپ (صلی اللہ علیہ وآلہ وسلم) نے مجھے فرمایا : بوڑھے بزرگ نے کیا کیا جس نے تمہارے اونٹ صحیح سالم تمہارے گھر تک پہنچانے کی ضمانت دی تھی ؟ اس نے تو تمہارے اونٹ تمہارے گھر صحیح وسالم پہنچادیئے ہیں۔ میں نے کہا : اللہ تعالیٰ اس پر رحم فرمائے نبی کریم (صلی اللہ علیہ وآلہ وسلم) نے فرمایا : جی ہاں اللہ تعالیٰ اس پر رحم فرمائے۔ (رواہ الطبرانی وابن عساکر)