٣٧٠٤٢۔۔۔” ایضا “ حضرت ابوہریرہ (رض) کی روایت ہے کہ حضرت خریم بن فاتک (رض) نے حضرت عمر (رض) سے کہا : اے امیرالمومنین ! میں آپ کو نہ بتاؤں کہ میرے اسلام قبول کرنے کی ابتداء کیسے ہوئی ؟ عمر (رض) نے فرمایا : کیوں نہیں ضرور بتاؤخریم (رض) نے کہا : ایک مرتبہ میں اپنے چوپایوں کی تلاش میں تھا میں ان کے نشانات کا پیچھا کرتے کرتے رارت ہوگئی اور مقام ” ابرق عزاف “ میں مجھے اونٹ مل گئے اور مجھے یہیں رات گزارنی پڑی میں نے باآواز بلند کہا : میں اسوادی کے بڑے کی پناہ مانگتا ہوں اس کی قوم کے بیوقوفوں سے یکایک ہاتف غیبی کی آواز آئی۔
ویحک عذباللہ ذی الجلال
والمجد والنعماء والافضال
واقسراء آیات من الانفال
ووحد اللہ ولا تبالی
تیرا ناس ہو ! اللہ عزوجل کی پناہ مانگ جو بزرگی نعمتوں اور فصلوں والا ہے سورت انضال کی آیات پڑھو اور اللہ تعالیٰ کی توحید کا اقرار کرکے بے پروا ہوجاو۔
خریم (رض) کہتے ہیں : میں بہت زیادہ خوفزدہ ہوا جب میری طبیعت بحال ہوئی میں نے کہا :
یا ایھا الھاتف ماتقول
ارشد عندک ام تضلیل
بین لناھدیت ماالحویل
اے ہاتف تم کیا کہتے ہو کیا تیرے پاس رشد و ہدایت کا سامان موجود ہے یا گمراہی کی بات کررہے ہو بات واضح کرو
تمہیں ہدایت ملی ہے یا ہوا میں باتیں کررہے ہو۔
ھاتف نے جو ابایہ اشعار پڑھے :
ان رسول اللہ ذالخیرات
بیثرب یدعوالی البجاۃ
یامربالصوم وبالصلاۃ
ویزع الناس عن الھنات
رسول اللہ (صلی اللہ علیہ وآلہ وسلم) جو بھلائیوں والے ہیں یثرب میں مقیم ہیں اور نجات کی طرف بلاتے ہیں نماز و روزہ کا حکم دیتے ہیں اور لوگوں کو برائیوں سے روکتے ہیں۔
خریم (رض) کہتے ہیں : میری اونٹنی کھڑی ہوگئی اور میں نے جو ابایہ اشعار کہے :
ارشدنی رشد وھدایت
لاجعت ولا غریت
ولا برحت سیلامقیت
وتوثرعلی الخیرالذی اتیت
مجھے راہ ہدایت کی طرف راہنمائی کرو جو ہدایت تمہیں ملی ہے جس میں تمہیں نہ بھوکا ہونا پڑا ہے اور نہ ہی ننگا ہونا پڑا تم میرے سردار ہوگے جو بھلائی تمہیں ملی ہے اسے ترجیح دو ۔
اس نے جواب دیا :
صاحبک اللہ وسلم نفسکا
وبلغ الاھل وادی رحلکا
امن بہ افلح ربی حقکا
وانصرہ اعزربی نصرکا
اللہ تعالیٰ تمہارے ساتھ ہے اپنے آپ کو سلامی میں رکھو اور تمہارے اونٹ تمہارے گھر والوں تک پہنچ جائیں گے اس پر ایمان لاؤ میرا رب تمہیں کامیاب کرے گا اس رسول کی مدد کرو میرا رب تمہاری مدد کرے گا۔
میں نے کہا : اللہ تجھ پر رحم فرمائے تو کون ہے ؟ اس نے کہا : میں عروبن اثال ہوں اور مبعوث ہونے والے نبی آخرالزماں کا نجد کے مسلمانوں پر عامل ہوں میں تمہارے اونٹوں کا ذمہ دار ہوں حتیٰ کہ تم اپنے گھر واپس لوٹ آؤ چنانچہ میں مدینہ پہنچ گیا اور جمعہ کا دن تھا ابوبکر (رض) باہر تشریف لائے اور فرمایا : اللہ تجھ پر رحم فرمائے داخل ہوجاؤ ہمیں تمہارے اسلاقم کی خبر پہنچ چکی ہے میں نے عرض کیا : مجھے طہارت حاصل کرنے کا طریقہ نہیں آتا مجھے طہارت کا طریقہ بتادو میں مسجد میں داخل ہوا رسول اللہ (صلی اللہ علیہ وآلہ وسلم) کو منبر پر خطبہ ارشاد فرماتے دیکھا آپ کی صورت اقدس ایسی لگی جیسے چوھودیں کا چاند چمک رہا ہو آپ فرما ہے تھے : جو مسلمان بھی اچھی طرح سے وضو کرتا ہے اور پھر نماز پڑھتا ہے دھیان رکھتے ہوئے اور سوچ سمجھ کر وہ جنت میں داخل ہوجائے گا حضرت عمر بن خطاب (رض) نے فرمایا : تم اس دعوے ہر گواہ لاؤ ورنہ میں تمہیں ضرور سزادوں گا چنانچہ قریش کے ایک بزرگ عثمان بن عفان نے میرے لیے گواہی دی اور عمر (رض) نے ان کی گواہی قبول کرلی۔ (رواہ الرویانی وابن عساکر)