٣٧٠٤٤۔۔۔ موسیٰ بن عبیدہ ، زندبہ عبدالرحمن اپنی والدہ حجہ بنت قرط وہ اپنی ماں عقیلہ بنت عیتک بن حارث سے وہ اپنی والدہ قریرہ بنت حارث سے روایت نقل کرتے ہیں وہ کہتی ہیں ہم فتح مکہ کے دن رسول اللہ (صلی اللہ علیہ وآلہ وسلم) کی خدمت میں حاضر ہوئے آپ ابطح میں ٹھہرے ہوئے تھے آپ پر سرخ رنگ کا قبہ (جھگا) بنادیا گیا تھا ہم نے آپ کے دست اقدس پر بیعت کی اور آپ نے چند شرائط پر ہم سے بیعت لے لی اسی اثناء میں بنی عامر بن لوی کا ایک شخص سہیل بن عمروسامنے سے چلتا ہوا آیاوہ یوں لگتا تھا جیسے خاکستری رنگ کا اونٹ ہو۔ حضرت بلال (رض) کے بھائی حضرت خالد بن رباح (رض) سے اس کی ملاقات ہوئی جب کہ سورج طلوع ہوچکا تھا خالد (رض) بولے : تمہیں بجزنفاق کے کسی چیز نے نہیں روکا کہ تم رسول اللہ (صلی اللہ علیہ وآلہ وسلم) کی خدمت میں حاضر ہوجاؤ قسم اس ذات کی جس نے رسول اللہ (صلی اللہ علیہ وآلہ وسلم) کو برحق مبعوث کیا ہے اگر ایک وجہ نہ ہوتی میں تمہیں تلوار سے دولخت کردیتا ۔ چنانچہ سہیل بن عمرو سمجھدار شخص تھا رسول اللہ (صلی اللہ علیہ وآلہ وسلم) کے پاس گیا اور کہا : کیا آپ نہیں دیکھتے کہ یہ غلام مجھے کیا کہتا ہے ؟ نبی کریم (صلی اللہ علیہ وآلہ وسلم) نے فرمایا : اسے چھوڑدو کیا بعیدوہ تم سے بدرجہا بہتر ہو اور پھر تم اسے ڈھونڈو اسے نہ پاسکو۔ چنانچہ اس کے لیے یہ بات پہلی سے زیادہ سخت تھی۔ (رواہ ابونعیم)