٣٧٠٤٥۔۔۔ قریرہ بنت حارث کہتی ہیں ہم فتح مکہ کے دن رسول اللہ (صلی اللہ علیہ وآلہ وسلم) کی خدمت میں حاضر ہوئے آپ ابطح میں ٹھہرے ہوئے تھے آپ پر سرخ رنگ کا قبہ بنادیا گیا تھا ہم نے آپ کے دست اقدس پر بیعت کی اور آپ نے ہمارے اوپر شرائط لاگو کیں اسی دوران بنی عامر بن لوی کا ایک شخص سہیل بن عمرو سامنے سے آیا وہ یوں لگتا تھا جیسا کہ خاکستری کا اونٹ ہو اس کی خالد بن رباح (بلال (رض) کے بھائی) سے ملاقات ہوئی جب کہ سورج طلوع ہوچکا تھا خالد (رض) بولے : تمہیں صبح صبح نبی کریم (صلی اللہ علیہ وآلہ وسلم) کی خدمت میں حاضر ہونے سے صرف اور صرف نفاق (منافقت) نے روکے رکھا ہے قسم ! اس ذات کی جس نے رسول اللہ (صلی اللہ علیہ وآلہ وسلم) کو برحق مبعوث کیا ہے اگر ایک وجہ نہ ہوتی میں تلوار سے تمہیں دولخت کردیتا چنانچہ سہیل بن عمرو سمجھدار شخص تھا فورا رسول اللہ (صلی اللہ علیہ وآلہ وسلم) کے پاس گیا اور کہا : کیا آپ نہیں دیکھتے کہ یہ غلام مجھے کیا کہہ دیا ہے ؟ نبی کریم (صلی اللہ علیہ وآلہ وسلم) نے فرمایا : اسے چھوڑدو، کیا بعیدوہ تم سے بدر جہابہتر ہو اور پھر تم اسے تلاش کروپرا سے کہیں بھی نہ پاسکو چنانچہ سہیل بن عمرو کیلئے یہ بات پہلی سے زیادہ سخت تھی (رواہ مندہ وابن عساکر وفیہ موسیٰ بن عبیدہ وھو ضیعف)