٣٧٠٤٦۔۔۔ عبداللہ بن بریدہ روایت نقل کرتے ہیں کہ ایک مرتبہ وفد کی آمد پر لوگ جمع ہوئے حضرت عمر (رض) نے ابن ارقم (رض) کو حکم دیا کہ : محمد (صلی اللہ علیہ وآلہ وسلم) کے صحابہ (رض) کو دیکھو ان سے کہو کہ پہلے وہ آئیں پھر وہ جو ان سے ملے ہوئے ہیں۔ چنانچہ صحابہ کرام اندر داخل ہوئے اور آپ (رض) کے سامنے صف بنالی آپ (رض) نے دیکھا کہ ایک موٹا شخص کھڑا ہے اور اس نے اپنے اوپر چادر کا ٹکڑا اوڑھ رکھا ہے عمر (رض) نے اس کی طرف اشارہ کیا وہ آپ (رض) کے پاس آیا فرمایا : کچھ کہو :(تین بار فرمایا) وہ شخص بولا ! آپ ہی کچھ فرمائیں ۔ (تین بار کہا) عمر (رض) نے فرمایا : تیرا ناس ہو کھڑا ہوجاوہ آدمی کھڑا ہوگیا۔ عمر (رض) نے پھر یکھا کہ ایک اشعری شخص ہے جو دبلے پتلے اور کمزور جسم کا مالک ہے آپ (رض) نے اس کی طرف اشارہ کیا وہ آپ کے پاس آگیا فرمایا : کچھ کہو۔ اشعری بولا ! آپ ہی کچھ فرمائیں عمر (رض) نے فرمایا : کچھ کہو وہ بولا : آپ بات کی ابتدا کریں ہم بات جاری رکھیں گے۔ فرمایا : تیرا ناس ہوجا تجھے بھیڑوں کا چرواہا ہرگز نفع نہیں پہنچا سکتا۔ عمر (رض) نے پھر دیکھا کہ ایک اور شخص ہے جو سفید فام اور کمزور جسم کا مالک ہے اس کی طرف اشارہ کیا وہ آپ کے پاس آیا آپ نے فرمایا : کچھ کہو : اس نے نہ آؤ دیکھا نہ تاؤ فورا احمد وثناء کے بعد کہا : تمہیں اس امت کا بار امارت اٹھانا پڑا ہے لہٰذا اللہ تعالیٰ سے ڈرتے رہو تمہیں خلافت کی ذمہ داری سنبھالنی پڑی ہے تمہاری رعایا تمہارے دل میں ہونی چاہیے تمہیں حساب چکانا ہوگا اور تم رعایا کے مسؤل ہو۔ بلاشبہ تم امین ہو اور امانت کی ادائیگی آپ کا فرض ہے لہٰذا تمہیں تمہارے عمل کے بقدر اجر ملے گا عمر (رض) نے فرمایا : جب سے مجھے خلیفہ نامزذ کیا گیا ہے تب سے تمہارے علاوہ مجھے کسی شخص نے سچ نہیں کہا : تم کون ہو ؟ جواب دیا : میں ربیع ہوں فرمایا : کیا تم مہاجرین زیادہ کے بھائی ہو ؟ کہا : جی ہاں چنانچہ عمر (رض) نے ایک لشکر تیار کیا اور ان کا نگران اشعری کو مقرر کیا اشعری کو حکم دیا تم ربیع بن زہادہ (رض) کو دیکھتے رہوجو کچھ اس نے کہا ہے اگر اس میں سچا ہے تو بلاشبہ اس معاملہ میں وہ تمہاری مدد کرے گا لہٰذا اسے عامل مقرر کردو پھر دس دن کے بعد پھر اس کا معائنہ کرو اور اس کے طریقہ کار کو مجھے لکھ بھجو تاکہ میں دیکھ لوں کہ آیا گورنری کے مستحق ہے کہ نہیں۔ پھر فرمایا : ہمارے نبی کریم (صلی اللہ علیہ وآلہ وسلم) نے ہمیں وصیت کی ہے کہ : میں اپنے بعد تمہارے اوپر سب سے زیادہ اس منافق کا خوف محسوس کرتا ہوں جو صاحب لسان ہو۔ (رواہ ابن راھویہ والحارث ومسدد وابویعلی و صحیح)