٣٨٧٤١۔۔۔ لوگو ! جانتے ہو میں نے تمہیں کیوں جمع کیا ؟ میں نے اللہ کی قسم ! تمہیں کسی رغبت یاترہیب کے لیے جمع نہیں کیا، البتہ اس لیے جمع کیا ہے کہ تمیم داری عیسائی آدمی تھے وہ بیعت ہوئے اور اسلام قبول کرکے انھوں نے مجھے ایک قصہ سنایا، جو خیر سے محروم دجال کے اس بیان سے موافقت رکھتا۔ ہے جو میں تمہیں بتاتا تھا، انھوں نے مجھے بتایا کہ وہ بحری جہاز میں تیس آدمیوں کے ہمراہ سوار ہوئے، وہ آدمی قبیلہ لخم اور جذام سے تعلق رکھتے تھے، سمندر میں ایک ماہ تک ہوانا موافق رہی پھر انھوں نے غروب آفتاب کی جانب کسی جزیرہ سمندری کا رخ کیا چنانچہ وہ بحری جہاد کی چھوٹی کشتیوں میں بیٹھ کر جزیرہ میں داخل ہوگئے، وہاں انھیں ایک جانور ملا جس کے بال ہی بال ہیں بالوں کی کثرت سے اس کے سر پیر کا آگے پیچھے کا پتہ نہ چلتا تھا، انھوں نے کہا : ارے تو کیا چیز ہے ؟ وہ بولا : میں جساسہ ہوں، انھوں نے کہا : جساسہ کیا بلا ہے ؟ وہ بولا : لوگو ! تم اس گرجے میں چلے جاؤ وہاں ایک شخص تمہاری اطلاع کا بڑا شوقین ہے، تمیم داری کہتے ہیں : جب اس نے آدمی کا نام لیا تو ہم اس سے ڈر گئے کہ کہیں یہ شیطان نہ ہو، خیر ہم جلدی سے گئے اور گرجے میں داخل ہوگئے، کیا دیکھتے ہیں ایک بہت بڑا انسان جو ہم نے کبھی دیکھا نہ تھا اس کے دونوں ہاتھ گردن سے اور گھٹنے ٹخنے سے ملا کر لوہے سے بندھے ہیں ہم نے کہا : تیرا ناس ہو ! تو کون ہے ؟ وہ کہنے لگا تمہیں میری اطلاع مل چکی تو مجھے بتاؤ تم کون ہو ؟ انھوں نے کہا : ہم عرب ہیں بحری جہاز میں سوار تھے سمندر کی تیز موجوں نے ہمارا سامنا کیا اور مہینہ بھر موجیں اٹکھیلیاں کرتی رہیں یہاں تک کہ ہم نے تمہارے اس جزیرے کا رخ کیا، بحری جہاز کی چھوٹی کشتیوں میں بیٹھ کر ہم جزیرۃ میں داخل ہوگئے، پھر ہمیں بےحد بالوں والا ایک جانور ملا بالوں کی کثرت سے اس کا آگا پیچا معلوم نہ ہوتا تھا، ہم نے اس سے پوچھا : تو کیا چیز ہے ؟ اس نے کہا : میں جساسہ ہوں، ہم نے کہا : جساسہ کیا بلا ہے ؟ تو وہ کہنے لگا : اس گرجے میں اس شخص کے پاس جاؤ، وہ تمہاری اطلاع کا بڑا مشتاق ہے تو ہم جلدی سے تمہارے پاس آگئے۔ اور اس سے ڈرنے لگے کہ مبادا وہ شیطان ہو۔
وہ شخص کہنے لگا : بسیان کے نخلستان کا بتاؤ ؟ ہم نے کہا : تم اس کی کس چیز کی اطلاع چاہتے ہو ؟ وہ کہنے لگا : میں تم سے پوچھتا ہوں کہ اس کی کھجوریں پھل دیتی ہیں ؟ ہم نے اس سے کہا : ہاں ، وہ بولا : میرا خیال ہے اب وہ پھل نہ دیں گے۔ کہنے لگا : بحیرہ طبریہ کا سناؤ ؟ ہم نے اس سے کہا : اس کی کس کیفیت کا حال پوچھتے ہو ؟ کہنے لگا : کیا اس میں پانی ہے ؟ ہم نے کہا : بےحد پانی ہے بولا : اس کا پانی عنقریب خشک ہوجائے گا، کہنے لگا : زغر (شام کی بستی) کی نہر کا کیا ہوا ؟ ہم نے کہا : اس کی کس چیز کے متعلق پوچھتے ہو ؟ کہنے لگا : کیا نہر میں پانی ہے اور لوگ نہر کے پانی سے آب پاشی کرتے ہیں ؟ ہم نے اس سے کہا : ہاں اس کا پانی بلیوں ہے اور لوگ اس کے پانی سے آبپاشی کرتے ہیں، کہنے لگا : (مکہ والوں ) ان پڑھوں کے نبی کا بتاؤ کیا ہوا ؟ لوگوں نے کہا : وہ مکہ میں پیدا ہوئے اور یثرب میں بسیرا کیا ہے، کہنے لگا : کیا عربوں نے اس سے جنگ کی ہے ؟ ہم نے کہا : ہاں، کہنے لگا : اس نے ان سے کیا برتاؤ کیا ؟ ہم نے اسے بتایا کہ وہ اپنے قریب کے عربوں پر غالب رہے اور انھوں نے آپ کی فرمان برداری قبول کرلی ہے، کہنے لگا : کیا یہ (سب) ہوچکا ؟ ہم نے کہا : ہاں، کہنے لگایہ ان کے لیے بہتر ہے کہ اس کی اطاعت کرلی ہے، میں تمہیں اپنے بارے میں بتاؤں میں خیر سے محروم دجال ہوں، عنقریب مجھے جانے کی اجازت مل جائے گی میں نکل کر زمین میں پھروں گا، ہر بستی میں اتروں گا یہ چالیس راتوں کا عرصہ ہوگا صرف مکہ اور مدینہ میں نہ جاسکوں گا وہ دونوں مجھ پر حرام ہیں جب میں ان میں سے کسی ایک میں جانے کا ارادہ کروں گا ایک فرشتہ ہاتھ میں تلوار سونتے میرے سامنے آجائے گا، جو مجھے اس سے روک دے گا اس کے ہر درے پر فرشتے ہیں جو اس کی حفاظت کریں گے۔ کیا میں تمہیں نہ بتاؤں یہ مدینہ ہے مدینہ، مدینہ خبردار ! کیا میں یہ بات تم سے بیان کرچکا ہوں، البتہ مجھے تمیم کی بات بھلی لگی کیونکہ وہ اس کے موافق تھی جو میں اس (دجال) کے مکہ اور مدینہ کے بارے میں تم سے بیان کرتا تھا، صرف اتنی بات ہے کہ وہ بحر شام یا یمن میں نہیں بلکہ وہ (دجال ) مشرق کی جانب ہوگا جب کہ یہ مشرق کی جانب نہیں، مشرق کی جانب نہیں آپ نے اپنے ہاتھ سے مشرق کی جانب اشارہ کیا، (فاطمہ بن قیس) فرماتی ہیں : میں نے یہ بات رسول اللہ (صلی اللہ علیہ وآلہ وسلم) سے یاد کی ہے۔ (مسند احمد، مسلم عن فاطمۃ بنت قیس، میں کہتا ہوں : کہ شیخ جلال الدین سیوطی (رح) نے قسم الافعال میں فرمایا : کہ طبرانی نے اس حدیث کے آخر میں اضافہ کیا ہے کہ بلکہ وہ بحر عراق میں ہے وہ اس کے کسی اصبہان نامی دہشر سے نکلے گا، اس کا کوئی گاؤں ہوگا ج سے ” استقاباد “ کہیں گے، جب وہ نکلے گا تو اس کے لشکر کے آگے ستر ہزار لوگ ہوں گے جن پر تاج ہوں گے اس کے ساتھ دونہریں ہوں گی، پانی اور آگ کی نہر، جسے یہ زمانہ ملے اور اس سے کہا جائے پانی میں داخل ہو تو وہ اس میں داخل نہ ہو کیونکہ وہ آگ ہوگی اور اگر کہا جائے آگ میں داخل ہو تو ہوجائے کیونکہ وہ پانی ہوگا۔ (ای اۤخر)