٣٩٠٥٢۔۔۔ میں قیامت کے روز اولاد آدم کا سردار ہوں گا اور مجھے کوئی فخر نہیں۔ میرے ہاتھ حمد کا جھنڈا ہوگا اور مجھے اس پر کوئی فخر نہیں، اس روز ہر نبی آدم (علیہ السلام) اور ان کے علاوہ (سب) میرے جھنڈے تلے ہوں گے۔ اور سب سے پہلے میری قبر کھلے گی اور مجھے کوئی فخر نہیں۔ لوگ تین مرتبہ گھبرائیں گے پھر وہ آدم (علیہ السلام) کے پاس آکر کہیں گے : آپ ہمارے باپ آدم ہیں ہمارے لیے اپنے رب سے سفارش کریں، وہ فرمائیں گے : مجھ سے ایک خطا ہوگئی جس کی وجہ سے مجھے زمین پر اتار دیا گیا البتہ تم نوح کے پاس جاؤ وہ نوح (علیہ السلام) کے پاس جائیں گے وہ فرمائیں گے : میں نے اہل زمین کے لیے بددعا کی تو وہ ہلاک کردئیے گئے البتہ تم ابراہیم (علیہ السلام) کے پاس جاؤ، وہ ابراہیم (علیہ السلام) کے پاس آئیں گے، فرمائیں گے : میں نے تین بارتوریہ کیا (جو بظاہر جھوٹ تھا) جو اللہ تعالیٰ کے دین میں حلال نہیں، البتہ تم موسیٰ (علیہ السلام) کے پاس جاؤ چنانچہ وہ موسیٰ (علیہ السلام) کے پاس آئیں گے : وہ فرمائیں گے : میں نے ایک شخص قتل کردیا تھا البتہ تم عیسیٰ کے پاس جاؤ تو وہ عیسیٰ (علیہ السلام) کے پاس آئیں، وہ فرمائیں گے : میں نے ایک شخص قتل کردیا تھا البتہ تم عیسیٰ (علیہ السلام) کے پاس جاؤ تو وہ عیسیٰ (علیہ السلام) کے پاس آئیں، وہ فرمائیں گے : میری اللہ کے سوا عبادت کی گئی ہے البتہ تم لوگ محمد (صلی اللہ علیہ وآلہ وسلم) کے پاس جاؤ۔ چنانچہ وہ میرے پاس آئیں گے، میں ان کے ساتھ جاؤں گا اور جنت کے دروازے کے حلقہ کو پکڑ کر کھٹکھٹاؤں گا، کہا جائے گا : کون ہے ؟ میں کہوں گا : محمد (صلی اللہ علیہ وآلہ وسلم)، تو وہ میرے لیے دروازہ کھول کر مجھے خوش آمدید کہیں گے، تو میں سجدے میں پڑجاؤں گا اللہ تعالیٰ مجھے حمدوثناء کا الہام کرے گا پھر مجھے کہا جائے گا : اپنا سراٹھاؤ، مانگو تمہیں دیا جائے گا شفاعت کرو تمہاری شفاعت قبول کی جائے گی کہو تمہاری بات سنی جائے گی وہ مقام محمود ہے جس کے بارے میں اللہ تعالیٰ نے فرمایا ہے ” عنقریب تجھے تیرا رب مقام محمود پر مبعوث فرمائے “ (ترمذی وابن خزیمہ عن ابی سعید الاقولہ فاخذ بحلقۃ باب الجنۃ فاقعقعھا فرانھا عن انس)
کلام :۔۔۔ ضعیف الجامع ١٣١٦۔