٤٠٤٦٣۔۔۔ تم سے پہلے لوگوں میں سے تین شخص سفر پر نکلے سفرپرنکلے اور رات انھیں ایک غار میں آگئی وہ غار میں داخل ہوئے تو پہاڑ سے چٹان ڈھل کی اور غارکا دروازہ بند کردیا تو وہ (آپس میں) کہنے لگے : تم اس غار سے اسی صورت میں نجات پاسکتے ہو کہ اللہ تعالیٰ سے اپنے اچھے اعمال کے ذریعہ دعا کرو، تو ان میں کا ایک کہنے لگا : اے اللہ ! میرے انتہائی بوڑھے والدین تھے اور میں ان سے پہلے نہ اہل و عیال کو دودھ پلاتانہ مال کو ایک دن مجھے کسی چیز کی تلاش میں دیر ہوگئی تو میں اس وقت ان کے پاس آیاجب وہ سوگئے تو میں ان کے دودھ کا حصہ لے کر آیا اور انھیں سویا ہوا پایا مجھے اچھا نہ لگا کہ میں ان کے حصہ سے پہلے اہل و عیال اور مال کو پلاؤں میں اسی انتظار میں تھا کہ وہ بیدار ہوں اور دودھ کا برتن میرے ہاتھ میں تھا یہاں تک کہ صبح ہوگئی۔ وہ بیدار ہوئے اور انھوں نے اپنا حصہ پیا، اے اللہ ! اگر میں نے یہ کام تیری رضاجوئی کے لیے کیا ہے تو ہم سے اس چٹان کی مصیبت کو دورکردے تو اتنی چٹان ہٹی جس سے وہ نکل نہیں سکتے تھے۔ دوسرے نے کہا : اے اللہ ! میری ایک چچا زاد تھی جو مجھے سب زیادہ محبوب تھی تو ایک دن میں نے اس سے مباشرت کرنا چاہی لیکن وہ رک گئی پھر اس پر تنگدستی کا سال آیا تو وہ میرے پاس آکر سوال کرنے لگی تو میں نے اسے اس شرط پر ایک سوبیس دینار دیئے کہ وہ مجھے صحبت کرنے سے نہیں روکے گی۔ تو اس نے ایسے ہی کیا میں نے جب اس پر قابو پالیا تو وہ بولی : تمہارے لیے ناحق مہر توڑناجائز نہیں تو میں نے اس سے صحبت کرنے سے احتراز کیا، اور اس سے اعراض کیا جب کہ وہ میری سب سے زیادہ محبوب تھی اور جو سونا میں نے اسے دیاوہ (واپس لینا) چھوڑدیا۔ اے اللہ ! اگر میں نے یہ کام آپ کی رضاجوئی کے لیے کیا ہے تو ہم سے یہ مصیبت دور کردے تو چٹان اتنی سر کی جس سے وہ باہر نہیں نکل سکتے تھے۔ تیسرے نے کہا : اے اللہ ! میں نے اجرت پر کچھ مزدور لیے اور انھیں ان کی مزدوری دے دی صرف ایک آدمی نے اپنی اجرت جو اس کی بنتی تھی چھوڑدی اور چلا گیا اس کی مزدوری سے میں نے مویشی خرید لیے جس سے اس کی بارآور ہوئی اور اس کی وجہ سے اس کا مال بڑھ گیا پھر وہ کچھ مدت بعد میرے پاس آکر کہنے لگا : اللہ کے بندے ! مجھے میری مزدوری دو میں نے اس سے کہا : جو اونٹ گائے بکریاں اور غلام تمہیں نظرآ رہے ہیں سب تمہاری مزدوری ہیں تو وہ کہنے لگا : اللہ کے بندے ! مجھ سے مزاح مت کرو ! میں نے کہا : میں تم سے مزاح نہیں کررہا چنانچہ اس نے سارامال لیا اور آگے لگالیا اس میں سے کوں چیز نہیں چھوڑی۔ اے اللہ ! اگر میں نے یہ کام آپ کی رضا ہوئی کے لیے کیا ہے تو ہم سے یہ مصیبت دور فرما توچٹان ہٹ گئی وہ چلتے ہوئے باہرنکل آئے۔ بیہقی عن ابن عمرو