٤٠٤٦٤۔۔۔ ایک دفعہ تین آدمی جارہے تھے کہ بارش نے انھیں آگھیراتو وہ پہاڑ کی ایک کھوہ میں پنا گزیں ہوئے ادھر غار کے دبانے پر پہاڑ کی ایک چٹان گرپڑی جس سے غارکادہانہ بند ہوگیا تو وہ ایک دوسرے سے کہنے لگے : اپنے ان نیک اعمال کو یاد کرو جو تم نے اللہ تعالیٰ کے لیے کئے ہیں اور ان کے ذریعہ اللہ تعالیٰ سے دعا کرویقینی بات ہے اللہ تعالیٰ تمہاری مصیبت دور فرمادے گا۔ ان میں سے ایک نے کہا : اے اللہ میرے بوڑھے والدین تھے میری بیوی اور چھوٹے بچے تھے میں ان کی خاطر بکریاں چرایا کرتا تھا جب شام کے وقت آتا دودھ دوہتا توا پنے والدین سے شروع کرتا انھیں اپنے بچوں سے پہلے دودھ پلاتا ایک درخت سے شاخیں اتارنے کی مشغولی نے مجھے دیر کرادی تو میں شام ڈھلے آسکا میں نے دیکھا کہ وہ دونوں سوچکے ہیں حسب عادت میں نے دودھ دوہا پھر میں دودھ کا برتن لے کر آیا اور ان کے سرہانے کھڑا رہا میں نے انھیں جگانامناسب نہ سمجھا اور ان سے پہلے اپنے بچوں کو پلانا اچھا نہ لگاجب کہ وہ میرے پاؤں بھوک پیاس کی وجہ سے میں ہلک رہے تھے میری اور ان کی یہی حالت رہی یہاں تک کہ صبح ہوگئی اگر آپ کی خاطر میں نے یہ کام کیا ہے تو اتنا شگاف کردیں کہ ہم آسمان دیکھ سکیں تو اللہ تعالیٰ نے اس میں اتنا شگاف کردیا جس سے انھوں نے آسمان دیکھا۔ دوسرے نے کہا اے اللہ ! میری ایک چچازاد تھی جس سے مجھے اسی طرح شدید محبت تھی جیسی مرد عورتوں سے کرتے ہیں میں نے اس سے قربت کرنا چاہی تو اس نے انکار کردیا کہ پہلے سو دینار لاؤ تو میں نے محنت کوشش کرکے سو دینار اکٹھے کئے اور اس کے پاس لے آیا جب میں صحبت کے لیے اس کے پاؤں میں آیا تو وہ کہنے لگی : اللہ کے بندے ! اللہ سے ڈر اور ناحق مہرکونہ توڑ، تو میں اس سے اٹھ کھڑا ہوا، آپ جانتے ہیں اگر میں نے یہ کام آپ کی رضا جوئی کے لیے ہے ہم سے یہ تنگی دور فرمادیں تو ان کے لیے کچھ اور گنجائش ہوگئی۔ تیسرے نے کہا : اللہ میں نے چاول کے پیمانہ کے عوض ایک مزدور رکھا جب اس نے اپنا کام پوراکر لیا تو مجھے کہنے لگا : مجھے میرا حق دو تو میں نے اسے اس کا پیمانہ دیناچاہامگر اس نے اعراض کیا تو میں اس کو برابرکاشت کرتا رہایہاں تک کہ اس سے گائیں اور چرواہے جمع کرلئے۔ پھر کچھ عرصہ بعد وہ میرے پاس آکر کہنے لگا : اللہ سے ڈر اور میرا حق دبا کر مجھ پر ظلم نہ کر، میں نے کہا : ان گائیوں اور ان کے چرواہوں کی طرف جاؤ اور انھیں لے لو وہ کہنے لگا : اللہ سے ڈر مجھ سے مزاح نہ کر میں نے کہا : میں تجھ سے مزاح نہیں کررہا ان گائیوں اور ان کے چرواہوں کو لے لو چنانچہ اس نے انھیں لیا اور روانہ ہوگیا آپ جانتے ہیں کہ میں نے یہ کام آپ کی خوشنودی کے لیے کیا اس لیے اس مصیبت کو ہم سے دور فرما ! تو اللہ تعالیٰ نے باقی ماندہ چٹان کو ہٹادیا۔ بیہقی عن ابن عمرو