٤٠٤٦٥۔۔۔ حضرت موسیٰ (علیہ السلام) بنی اسرائیل میں خطبہ دینے (تقریر کرنے) کھڑے ہوئے تو کسی نے آپ سے پوچھا :(روئے زمین میں) کون سا آدمی سب سے زیادہ عالم ہے ؟ موسیٰ (علیہ السلام) نے فرمایا :(چونکہ اللہ تعالیٰ نے مجھے اپنی شریعت کا علم دیا اس لئے) میں تو اللہ تعالیٰ نے آپ پر عتاب کیا، کیونکہ آپ نے علم کا معاملہ باری تعالیٰ کی طرف نہیں لوٹایا، اس لیے اللہ تعالیٰ نے آپ پر وحی بھیجی کہ میرا ایک بندہ دودریاؤں یاسمندروں کے ملنے کی جگہ میں ہے وہ تم سے زیادہ علم رکھتا ہے موسیٰ (علیہ السلام) نے عرض کی : میرے رب ! میں اس تک کیسے پہنچ سکتا ہوں ؟ تو ان سے کہا گیا : زنبیل میں ایک مچھلی اٹھالے جاؤ جہاں مچھلی گم پاؤ گے وہیں وہ ہوگا۔ چنانچہ آپ اور آپ کے ساتھ آپ کا خدمت گاریوشع بن نون اپنے ساتھ زنبیل میں مچھلی لیے چل نکلے پھر جب وہ چٹان کے پاس پہنچے اور سستانے کے لیے لیٹے اور دونوں سوگئے مچھلی زنبیل سے کھسک گئی اور سمندروں میں اپنا خشک راستہ بنالیا تو موسیٰ (علیہ السلام) اور ان کے خدمت گار کے لیے یہ تعجب کی بات تھی۔ پھر اپنا سفر کا باقی حصہ رات دن چل کر پوراکرکیاصبح ہوئی تو موسیٰ (علیہ السلام) نے اپنے خدمت گار سے کہا : دوپہرکا کھانالاؤ، ہم اپنے اس سے تھک گئے ہیں اور موسیٰ (علیہ السلام) کو تھکاوٹ اسی وقت محسوس ہوئی جب انھوں نے اس مقررہ جگہ سے جس کا اللہ تعالیٰ نے انھیں حکم دیا تھا آگے نکل گئے تھے۔ تو ان کے خدمت گارنے کہا : آپ نے دیکھا جب ہم چٹان کے پاس ٹھہرے تھے تو میں مچھلی بھول گیا تھا موسیٰ (علیہ السلام) نے کہا : یہی ہمارا مطلوبہ مقام ہے چنانچہ وہ اپنے نشان قدم دیکھتے دیکھتے واپس پلٹے، جب وہ چٹان کے پاس پہنچے تو کیا دیکھتے ہیں کہ ایک شخص کپڑا اوڑھے لیٹا ہے موسیٰ (علیہ السلام) نے انھیں سلام کیا، تو خضربولے : تمہاری زمین میں سلام کہاں ہے ؟ تو موسیٰ (علیہ السلام) نے فرمایا : میں موسیٰ انھوں نے کہا : بنی اسرائیل والا ؟ موسیٰ (علیہ السلام) نے کہا : ہاں پھر کہا : کیا میں علم کی ان باتوں میں جن کا آپ کو علم ہے۔ پیروی کرسکتا ہوں، انھوں نے فرمایا : آپ میرے ساتھ صبر نہیں کرسکیں گے، اے موسیٰ ! مجھے اللہ تعالیٰ نے جو علم عطا کیا ہے اسے آپ نہیں جانتے اور جو علم آپ کے پاس اللہ تعالیٰ کی طرف سے ہے اسے میں نہیں جانتا تو موسیٰ (علیہ السلام) بولے : انشاء اللہ آپ مجھے صابر پائیں گے اور میں کسی کام میں میں آپ کی نافرمانی نہیں کروں گا۔ (اس عہد و پیمان کے بعد) وہ ساحل کے کنارے چلتے چلتے جارہے تھے کہ ان کے پاس سے ایک کشتی گزری ان سے گفتگو ہوئی کہ انھیں سوار کرلیں تو وہ خضر (علیہ السلام) کو پہچان گئے اور بغیر کرایہ کے سوار کرلیا، اتنے میں ایک چڑیا آئی اور کشتی کے کنارے بیٹھ کر سمندر میں ایک یا دو ٹھونکیں ماریں تو خضر (علیہ السلام) نے فرمایا (رح) : میرے اور آپ کے علم نے اللہ تعالیٰ کے علم سے اتنا ہی کم کیا ہے جتنا اس چڑیانے اس سمندر سے پانی کم کیا ہے، اس کے بعد خضر (علیہ السلام) نے کشتی کے تختے اکھیڑلئے تو موسیٰ (علیہ السلام) نے کہا : ان لوگوں نے ہمیں بغیر کرایہ کے سوار کیا اور آپ نے ان کی کشتی توڑدی تاکہ اس کے سوار ڈوب جائیں تو حضرت خضر (علیہ السلام) نے فرمایا : کیا میں نے آپ سے نہ کہا تھا : کہ آپ میرے ساتھ صبر نہیں کرسکتے، تو موسیٰ (علیہ السلام) نے کہا : میری بھول پر مواخذہ نہ فرمائیں تو یہ پہلی بات موسیٰ (علیہ السلام) سے بھولے سے ہوگئی تھی۔ پھر وہ چلتے چلتے ایک لڑکے کے پاس پہنچے جو لڑکوں کے ساتھ کھیل رہاتھاحضرت خضر (علیہ السلام) نے اوپر سے اس کا سر پکڑا اور اپنے ہاتھ سے اس کا سرتن سے جدا کردیا تو موسیٰ (علیہ السلام) نے ان سے کہا : آپ نے ایک معصوم جان کا ناحق خون کردیا ؟ خضر (علیہ السلام) نے کہا : میں نے نہ کہا تھا کہ آپ میرے ساتھ صبر نہیں کرسکتے، پھر چل پڑے اور ایک بستی میں پہنچے بستی والوں سے کھانا مانگاتو انھوں نے انھیں کھانادینے سے انکار کردیا (چلتے چلتے) انھیں دیوار نظر آئی جو گرنے والی تھی تو خضر (علیہ السلام) نے اسے تعمیر کرکے سیدھا کردیا فرماتے ہیں : کہ خضر (علیہ السلام) نے اپنے ہاتھ سے اسے سیدھاکردیاتو موسیٰ (علیہ السلام) نے ان سے کہا : اگر آپ چاہتے تو اس کی مزدوری لے لیتے انھوں نے کہا : پس اب یری اور تمہارے درمیان جدائی ہے، اللہ تعالیٰ موسیٰ (علیہ السلام) پر رحم فرمائے ہماری چاہت تھی کہ اگر وہ صبر کرتے تو ہمیں ان کے قصہ کا پتہ چلتا۔ بیہقی ترمذی، نسائی