٤٠٤٦٦۔۔۔ تم سے پہلے ایک بادشاہ تھا جس کا ایک جادو گر تھا جب وہ بوڑھا ہوگیا تو اس نے بادشاہ سے کہا : میں بوڑھا ہوچکاہوں میرے پاس ایک ڑکابھیجیں جسے میں جادوسکھاؤں، تو بادشاہ نے اس کے پاس ایک لڑکا بھیجا جسے وہ جادوسکھاتا تھا، جس راستہ سے وہ چل کر آتا تھا اس میں ایک اھب تھا وہ لڑکا اس راھب کے پاس بیٹھا اس کی گفتگوسنی جو اسے بھلی لگی پھر وہ جب بھی ساحر کے پاس آتاراھب کے پاس سے گزرتے ہوئے ضروربیٹھتا جب وہ جادو گر کے پاس آیا تو اس نے اسے ماراجس کی شکایت اس نے راھب سے کی تو اس نے کہا : جب تمہیں جادو گر کا ڈر ہو تو کہنا مجھے گھر سے دیر ہوگئی تھی اور جب گھروالوں کا خوف ہو تو کہنا : مجھے جادو گر کے ہاں دیر ہوگئی تھی۔ اسی طرح سلسلہ چلتا رہا کہ اس نے ایک بہت بڑا جانوردیکھا جس نے لوگوں کا راستہ روک رکھا تھا تو وہ دل میں کہنے لگا آج مجھے پتہ چل جائے گا کہ جادو گر افضل ہے یاراھب افضل ہے تو اس نے ایک پتھر اٹھایا اور کہا : اے اللہ ! اگر آپ کو راہب کا کام جادو گر کے کام سے یادہ پسند ہے تو اس جانورکوہلاک کردیں تاکہ لوگ گزرجائیں اور پتھر دے ماراجس سے وہ جانور مرگیا اور لوگ گزرگئے۔ راہب کے پاس آکر سے بتادیا تو راہب نے اسے کہا : بیٹا ! آج تو مجھے سے افضل ہے میں نے تیرا مرتبہ دیکھ لیا ہے عنقریب تمہارا امتحان ہو کا اور جب تمہارا امتحان ہو تو میرے بارے میں نہ بتانا تو وہ لڑکا مادرزاد اندھوں اور کوڑھی کو چنگا کرتا اور باقی بیماریوں کا علاج کرتا ادھر بادشاہ کے ہمنشین نے سنا جو اندھا ہوچکا تھا تو وہ اس کے پاس بہت سے بدیئے تحفے لے کر آیا اور کہا : اگر تم نے مجھے شفادے دی تو میں یہاں جو کچھ تمہارے لیے جمع کردوں گا تو رکے نے کہا : میں کسی کو شفا نہیں دیتا شفا تو اللہ تعالیٰ دیتا ہے اکر تم اللہ تعالیٰ پر ایمان لے آؤ تو میں اللہ تعالیٰ سے دعاکروں گا وہ تمہیں شفادے گا چنانچہ وہ ایمان لے آیا اور اللہ تعالیٰ نے اسے شفادے دی پھر وہ بادشاہ کے پاس آیا اور جس طرح پہلے بیٹھتا تھا بیٹھ گیا بادشاہ نے کہا تمہاری نظر کس نے لوٹائی ؟ اس نے کہا : میرے رب نے بادشاہ بولا : میرے علاوہ بھی تمہارا کوئی رب ہے ؟ اس نے کہا : میرا اور تمہارا رب اللہ ہے تو بادشاہ اسے سزادینے لگا تو اس نے لڑکے کا بتادیا لڑکے کو لایا گیا تو بادشاہ نے اسے کہا : بیٹا ! تمہارا جادو اس حدتک پہنچ گیا کہ تم مادرزاد اندھوں اور کو ڑھوں کو درست کرنے لگے اور یہ یہ کام کرنے لگے ہو۔ تو اس نے کہا : میں تو کسی کو شفا نہیں دیتا اللہ تعالیٰ ہی شفا دیتا ہے۔ بادشاہ نے اسے بھی سزا دینا شروع کردی تو اس نے راہب کا پتہ بتادیا، راہب کالا یا گیا اور اس سے کہا گیا اپنے دین سے پھر جاتو اس نے انکار کردیا تو آرے سے جو اس کے سرکے درمیان رکھا گیا اس کے دوٹکڑے کردیئے گئے اور وہ دونوں ٹکڑے زمین پر آگرے ، پھر بادشاہ کے ہمنشین کو لایا گیا، کہا گیا : دین سے پھرجاؤ اس نے انکار کردیاتو اس کی مانگ میں آرہ رکھا گیا اور اس کے ٹکڑے کردیئے گئے اور اس کے دونوں ٹکڑے زمین پر آرہے۔ پھر لڑکے کو لا گیا : کہا گیا : اپنے دین سے پھر جاؤ اس نے انکار کیا تو اسے اپنے سپاہیوں کے حوالہ کردیا اور کہا : اسے فلاں پہاڑپرلے جاؤجب پہاڑ کی چوئی پر پہنچوتو اگر یہ اپنے دین سے پھر جائے تو بہترورنہ اسے نیچے گرادینا، چنانچہ وہ اسے لے کر چل دیئے اور پہاڑ کے اوپر چڑھ گئے تو اس لڑکے نے کہا : اے اللہ ! ان کے مقابلے میں میری کفایت فرماجیسی توچا ہے ! توپہاڑ میں جنبش ہوئی اور وہ گرگئے اور وہ لڑکاچلتا ہوا بادشاہ کے سامنے آگیا بادشاہ نے اس سے کہا : تمہارے ساتھ والے لوگوں کا کیا ہوا ؟ اس نے کہا :(میرا) اللہ ان کے مقابلہ میں مجھے کافی ہوگیا تو اس نے اسے اپنے آدمیوں کے حوالہ کیا اور کہا : اسے لے جاکر لمبی کشتی میں سوار کرنا اور جب درمیان میں پہنچ جاؤ تو اسے اگر یہ اپنے دین سے نہ پھرے پانی میں پھینک دینا چنانچہ وہ اسے لے گئے تو اس نے کہا : اے اللہ ! ان کے مقابلہ میں میری جیسی توچا ہے کفایت کر تو کشتی انھیں لے کر الٹ گئی اور وہ ڈوب گئے اور وہ بادشاہ کے پاس چلتا ہوا آیا بادشاہ نے پوچھا تمہارے ساتھ والے لوگ کہاں گئے ؟ اس نے کہا ان کے مقابلہ میں اللہ تعالیٰ نے میری کفایت کی۔ پھر اس نے بادشاہ سے کہا : آپ مجھے اس وقت تک قتل نہیں کرسکتے جب تک وہ نہ کروجو میں آپ سے کہوں بادشاہ نے کہا : وہ کیا ہے ؟ اس نے کہا : تم لوگوں کو ایک کھلے میدان میں جمع کرو اور مجھے تنے پر سولی دو پھر میرے ترکش سے ایک تیرلے کر اس کو کمان کی درمیان میں رکھنا پھر کہنا اس لڑکے کے رب اللہ کے نام سے پھر میری طرف تیرچلا دینا پس جب تم یہ کرو گے تو مجھے قتل کرسکوگے۔ بادشاہ نے لوگوں کو ایک میدان میں جمع کیا اور اسے تنے پر سولی دی پھر اس کے ترکش سے ایک تیرلیا اور کمان کی درمیان میں رکھا پھر کہا : اس لڑکے کے رب اللہ کے نام سے پھر اسے تیرماراتیر اس کی کنپٹی پر لگا اس نے اپنی کنپٹی پر تیر کی جگہ ہاتھ رکھا اور مرگیا لوگوں نے کہا : آمنابرب الغلام ہم اس لڑکے کے رب پر ایمان لاتے ہیں تین مرتبہ کہا : بادشاہ کے پاس کوئی آکر کہنے لگا : جس سے آپ ذر رہے تھے ، اللہ کی قسم ! آپ کو خوف زدہ کرنے والی چیز پیش آچکی لوگ ایمان لے آئے تو بادشاہ نے گلیوں کے دہانوں جیسی کھائیاں کھودنے کا حکم دیا کھائیاں کھودی گئیں اور ان میں آگ بھڑکائی گئی اور کہا : جو اپنے دین سے نہ پھرے اسے ان میں ڈال دینا چنانچہ انھوں نے ایسے ہی کیا آخر میں ایک عورت آئی جس کے ساتھ اس کا (دودھ پیتا بچہ بھی تھا عورت آگ کو دیکھ کر پیچھے ہٹی کہ مبادا اس میں گرجائے تو اس کے بچہ نے کہا : اے ماں ! صبر کر بیشک تو حق پر ہے۔ مسند احمد، مسلم عن صھیب