٨٦٧٨۔۔۔ محمود بن لبید حضرت جابر بن عبداللہ (رض) سے روایت کرتے ہیں آپ نے فرمایا : میں نے رسول اللہ (صلی اللہ علیہ وآلہ وسلم) کو فرماتے سنا : جس کے تین بچے مرگئے ، اور اس نے ان کے بارے ثواب کی امید رکھی تو وہ جنت میں داخل ہوگا۔
میں نے عرض کیا یارسول اللہ ! اگرچہ دوہوں ؟ آپ نے فرمایا : اگرچہ دو ہوں ، محمود کہتے ہیں : میں نے کہا اے حضرت جابر بن عبداللہ ! میں سمجھتا ہوں اگر آپ کہتے اگرچہ ایک ہو تو رسول اللہ (صلی اللہ علیہ وآلہ وسلم) فرما دیتے ایک بھی، حضرت جابر نے فرمایا : اللہ کی قسم ! میں بھی یہی سمجھتا ہوں ۔ (بیھقی فی الشعب)