Muawtta Imam Muhammad: Hadith 148

نافع کہتے ہیں کہ عبداللہ بن عمر (رض) تشہد میں یہ پڑھا کرتے تھے۔ بسم اللہ التحیات للہ، و الصلوات للہ والزاکیات للہ، السلام علیک أیہا النبی ورحمۃ اللہ و وبرکاتہ السلام علینا وعلی عباد اللہ الصالحین شہدت ان لا الہ الا اللہ شہدت ان محمدا رسول اللہ۔ فرماتے ہیں یہ پہلی دو رکعات کا تشہد ہی اور جب تشہد پورا کرے تو اپنے لیے جو چاہے دعاء کرے، جب اپنی نماز کے آخر میں قعدہ کے لیے بیٹھ جائے تو پھر بھی اسی طرح تشہد پڑھے البتہ تشہد کو دعء سے مقدم کرے پھر اپنے لیے جو چاہے دعا کرے جب وہ اپنا تشہد مکمل کرلے اور سلام پھیرنے کا ارادہ کرے تو اس طرح کہے السلام علی النبی ورحمۃ اللہ وبرکاتہ السلام علینا و علی عباد اللہ الصالحین پھر دائیں طرف سلام پھیر لے پھر امام کے سلام کا جواب دے (پھر بائیں طرف سلام پھیرے) اگر بائیں طرف کسی نے لام دیا ہو اس کا جواب دے۔
قول محمد (رح) یہ ہے کہ ان تمام روایات میں مذکور تشہد خوب ہے۔ مگر عبداللہ بن مسعود (رض) والے تشہد کے مشابہہ نہیں۔ ہمارے ہاں ابن مسعود کا تشہد ہے کیونکہ وہ تشہد انھوں رسول اللہ (صلی اللہ علیہ وآلہ وسلم) سے نقل کیا ہے اور ہمارے عام علماء کا بھی یہی مسلک ہے۔