Muawtta Imam Muhammad: Hadith 216

محجن دیلی (رض) بیان کرتے ہیں کہ میں رسول اللہ (صلی اللہ علیہ وآلہ وسلم) کے ساتھ بیٹھا تھا۔ اتنے میں اذان ہوئی تو رسول اللہ (صلی اللہ علیہ وآلہ وسلم) نے اٹھ کر نماز پڑھائی مگر میں اپنی جگہ بیٹھا رہا۔
جب رسول اللہ (صلی اللہ علیہ وآلہ وسلم) نماز سے فارغ ہوگئے) تو آپ (صلی اللہ علیہ وآلہ وسلم) نے فرمایا تمہیں لوگوں کے ساتھ نماز سے کس بات نے روک دیا ؟ کیا تم مسلمان نہیں ہو ؟ میں نے عرض کیا کیوں نہیں میں مسلمان ہوں ! مگر بات یہ ہے کہ میں گھر میں نماز پڑھ چکا تو رسول اللہ (صلی اللہ علیہ وآلہ وسلم) نے فرمایا جب تم ( مسجد میں) آؤ (اور لوگوں کو نماز میں پاؤ) تو لوگوں کے ساتھ نماز پڑھو، خواہ تم پہلے نماز ادا کرچکے ہو۔ (اس روایت کو بخاری نے ادب المفرد اور نسائی و ابن خزیمہ اور طبرانی نے عبداللہ بن سرجس سے مرفوعا نقل کیا ہے) ۔