Muawtta Imam Muhammad: Hadith 218

ایک شخص نے ابو ایوب انصاری (رض) سے دریافت کیا کہ اگر میں نماز پڑھ لوں، پھر مسجد میں آؤں اور امام کو نماز میں پاؤں تو کیا میں اس کے ساتھ نماز پڑھ لوں ؟ ابو ایوب (رض) کہنے لگے جی ہاں ! اس کے ساتھ نماز پڑھ لو۔ کیونکہ جو اس طرح کرے اسے جماعت کے ثواب میں سے حصہ ملتا ہے یا اس طرح فرمایا جو ایسے کرے اسے جماعت کے ثواب جیسا ثواب مل جاتا ہے یا جماعت کا ثواب ہے (راوی کو شک ہے کہ مثل کا لفظ فرمایا یا نہیں)
قول محمد (رح) یہ ہے ان تمام کو ہم اختیار کرتے ہیں۔ ابن عمر (رض) کا قول بھی لیتے ہیں کہ ہم مغرب اور صبح کی نماز نہیں لوٹاتے کیونکہ مغرب کی طاق رکعات ہیں اور نفل طاق نہیں ہوتے اور دوسرا یہ کہ صبح کے بعد طلوع آفتاب تک نوافل نہیں اور اسی طرح عصر (کے بعد بہی نفل کی کراہیت بہت سی روایت سے ثابت ہے اور وہ ) بہی ہمارے ہاں یہی حکم رکھتی ہے یعنی مغرب و صبح کی طرح ہے اور امام ابوحنیفہ (رح) کا یہی قول ہے۔
باب کھانا اور نماز دونوں میں کس کو پہلے انجام دے۔