Muawtta Imam Muhammad: Hadith 288

نافع سے روایت ہے کہ عبداللہ بن عمر (رض) عنہما سے جب صلوۃ خوف کے متعلق دریافت کیا جاتا تو وہ فرماتے امام آگے بڑھے اور لوگوں کا ایک گروہ اس کے ساتھ ۔ پس امام ان کو ایک رکعت پڑھائے اور دوسرا گروہ امام اور دشمن کے درمیان رہے اور نماز نہ پڑھے، جب یہ پہلا گروہ ایک رکعت سے فارغ ہوجائے تو وہ دوسرے گروہ کی جگہ چلا جائے جنہوں نے ابھی تک نماز نہیں پڑھی اور یہ پہلا گروہ نماز سے سلام نہ پھیر گا (بلکہ ویسے ہی اسلحہ اٹھا کر دشمن کے سامنے چلا جائے) اور دوسرا گروہ جنہوں نے نماز نہیں پڑھی وہ امام کے ساتھ ایک رکعت پڑہیں پھر امام اپنی نماز سے فارغ ہوجائے ( یعنی سلام پھیرے) اس لیے کہ وہ دو رکعت پڑھ چکا پہر ہر گروہ اپنے لیے ایک ایک رکعت ادا پڑھے، اور یہ رکعت امام کی فراغت کے بعد پڑھیں۔ اس طرح دونوں گروں نے دو دو رکعت پڑھ لی۔ اکر خوف اس سے زیادہ شدید تر ہوجائے تو لوگ کھڑے ہو کر پیدل یا سواری کی حالت میں قبلہ رخ ہوں یا قبلہ رخ نہ ہوں۔ اشارہ سے نماز پڑھیں۔ (اس روایت کو امام مالک (رح) نے باب صلوۃ الخوف میں ذکر کیا ہے)
قول محمد (رح) یہ ہے : ہم اسی کو اختیار کرتے ہیں اور یہی امام ابوحنیفہ (رح) کا قول ہے۔ امام مالک اس کو اختیار نہیں کرتے (بلکہ دوسری روایت کو لیتے ہیں)