Muawtta Imam Muhammad: Hadith 302

عبداللہ بن ابی بکر انصاری سے روایت ہے کہ اسماء بنت عمیس نے جو حضرت ابوبکر صدیق (رض) کی بیوی تھیں۔ ان کی وفات پر ان کو غسل دیا۔ پھر باہر نکل کر وہاں موجود مہاجرین سے پوچھا کہ میں روزہ سے ہوں اور شدید سردی بھی ہے۔ پس کیا میرے ذمہ غسل واجب ہے ؟ انھوں نے کہا نہیں۔
اس روایت کو امام مالک (رح) نے باب غسل المیت میں ذکر کیا ہے) ۔
قول محمد (رح) یہ ہے : اس میں کچھ حرج نہیں کہ عورت اپنے خاوند کو غسل دے جب کہ وہ وفات پاجائے اور میت کو جو غسل دے اس پر غسل لازم نہیں اور نہ ہی وضو لازم ہے۔ البتہ اگر میت کا کچھ پانی جسم کے کسی حصے یا کپڑے کو پہنچے تو اس کو دھوڈالے۔