Muawtta Imam Muhammad: Hadith 337

ربیعہ بن ابی عبد الرحمن اور ان کے علاوہ دوسروں نے بھی بیان کیا کہ رسول اللہ (صلی اللہ علیہ وآلہ وسلم) نے بلال بن حارث مزنی (رض) کو قبلیہ کی کانوں میں ایک کان بطور جاگیر عنایت فرمائی۔ یہ قلیہ فرح کی جانب واقع ہے۔ یہ کانیں آج تک قائم ہیں ان سے صرف زکوۃ لی جاتی ہے۔
قول محمد (رح) یہ ہے : اس سلسلہ میں مشہور روایت ہے کہ نبی اکرم (صلی اللہ علیہ وآلہ وسلم) نے ارشاد فرمایا (جس کو ابوہریرہ (رض) نے نے نقل کیا۔ کہ دفینہ میں خسم ہے۔ آپ (صلی اللہ علیہ وآلہ وسلم) سے سوال کیا طیا کہ رکاز کیا ہے ؟ آپ (صلی اللہ علیہ وآلہ وسلم) نے فرمایا وہ مال جسے اللہ تعالیٰ نے زمین میں آسمان و زمین کی پیدائش کے دن سے پیدا فرمایا۔ ان کانوں میں خمس ہے۔ اور یہی ابوحنیفہ (رح) کا قول ہے۔ اور ہمارے عام فقہاء بہی اسی طرح گئے ہیں۔