Muawtta Imam Muhammad: Hadith 361

ابن شہاب سے روایت ہے کہ حضرت عائشہ و حفصہ (رض) نے نفلی روزہ رکھا اور انھیں بطور ہدیہ ایک کھانا بھیجا گیا تو انھوں نے اس پر روزہ افطار کرلیا۔ پھر رسول اللہ (صلی اللہ علیہ وآلہ وسلم) گھر تشریف لائے ابن شہاب کہتے ہیں کہ عائشہ (رض) نے فرمایا حفصہ مجھ سے کلام میں سبقت لے گئی۔ اور کیونکہ یہ نہ ہوتا آخر وہ اپنے باپ عمر کی بیٹی تھی۔ وہ بولیں یا رسول اللہ (صلی اللہ علیہ وآلہ وسلم) ! میرا اور عائشہ کا روزہ نفلی تھا۔ ہمیں کجھ کھانا بطور ہدیہ ملا اور ہم نے اس پر روزہ افطار کرلیا رسول اللہ (صلی اللہ علیہ وآلہ وسلم) نے فرمایا اس کی جگہ ایک اور دن کا روزہ رکھو۔
قول محمد (رح) یہ ہے : ہم اسی کو اختیار کرتے ہیں۔ جس نے نفلی روزہ رکھ کر توڑ دیا اس پر قضاء لازم ہے۔ اور یہی امام ابوحنیفہ (رح) اور عام تابعین کا قول ہے۔