Muawtta Imam Muhammad: Hadith 408

عمرو بن عبید اللہ انصاری کہتے ہیں کہ میں نے سعید بن المسیب (رح) سے بدنہ کے متعلق دریافت کیا ۔ جس کی نذر ان کی بیوی نے مان رکھی تھی۔ سعید بن المسیب کہنے لگے۔ بدنہ اصل تو اونٹ ہے اور اس کے ذبح کا مقام بیت اللہ ہے۔ البتہ اگر اور کسی جگہ کی نیت کی جائے اس صورت میں اسی جگہ ذبح کرنا چاہیے۔ اگر اونٹ نہ ملے تو ایک گائے اور یہ بھی میسر نہ ہو تو دس بکریاں۔ عمر بن عبید اللہ کہتے ہیں کہ پھر میں نے سالم بن عبداللہ سے دریافت کیا۔ تو انھوں بھی وہی جواب دیا جو سعید بن مسیب نے کہا تھا۔ صرف فریہ تھا کہ گائے نہ ملے تو انھوں نے سات بکریأن بتلائیں پھر میں خارجہ بن زید بن ثابت کے پاس گیا اور ان سے دریافت کیا۔ انھوں نے بھی سالم بن عبداللہ کی طرح کہا پھر میں عبداللہ بن محمد بن علی (رض) عنہم کے پاس گ کیا انھوں نے بھی سالم بن عبداللہ کی طرح جواب دیا۔
قول محمد (رح) یہ ہے : بدنہ اونٹ یا گائے کو کہتے ہیں۔ اور اس کو جس جگہ چاہے ذبج کرے، مگر جو شخص حرم کی نیت کرے وہ صرف حرم میں قربانی دے۔ اور یہ اس کی طرف سے ” ہدی “ ہوگی اور قربانی اونٹ یا گائے کی ہے۔ جو کہ سات آدمیوں کی طرف سے ایک کافی ہے۔ اس سے زائد کی طرف سے نہیں۔ یہی امام ابوحنیفہ (رح) اور ہمارے عام فقہاء کا قول ہے۔