Muawtta Imam Muhammad: Hadith 469

ابو ماعز عبداللہ بن سفیان کہتے ہیں کہ میں عبداللہ بن عمر (رض) کے پاس بیٹہا تھا کہ ان کے پاس ایک عورت آئی۔ جو کہ مسئلہ دریافت کرنا چاہتی تھی۔ اس عورت نے کہا کہ میں بیت اللہ طواف کرنا چاہتی ہوں۔ جونہی میں مسجد کے دروازہ کے قریب پہنچی تو مجھے خون آنے لگا۔ میں واپس چلی گئی۔ جب خون رک گیا تو میں پھر آئی۔ جونہی مسجد کے دروازہ پر پہنچی تو پھر خون کی آمد شروع ہوئی۔ میں پھر واپس پلٹ گئی یہاں تک کہ خون رک گیا۔ پھر میں مسجد کے دروازہ تک پہنی تو پھر وہی صورت پیش آگئی۔ ابن عمر (رض) نے فرمایا یہ شیطانی رگ ہے۔ تم پھر غسل کرو اور شرمگاہ پر کپڑا بانڈہ کر طوال کرلو۔ اس روایت کو امام مالک (رح) نے باب جامع الطواف میں نقل کیا ہے)
قول محمد (رح) یہ ہے : ہمارا اسی پر عمل ہے مستحاضہ وضو کرکے شرمگاہ پر کپڑا باندھ لے، پہر طواف کرے اور جس طرح پاک عورتیں کرتی ہیں وہ بھی وہی افعال کرے۔ یہی امام ابوحنیفہ (رح) اور ہمارے عام فقہاء کا قول ہے۔