Muawtta Imam Muhammad: Hadith 481

ابن سیرین (رح) کہتے ہیں کہ ایک شخص کی اولاد بچپن میں فوت ہوجاتی تھی۔ اس نے منت مانی کہ اگر میرا کوئی بچہ اس عمر تک زندہ رہا کہ وہ اپنے ہاتھ سے اونٹنی کا دودھ دوھ کر پی سکے تو میں اس کے ساتھ حج کروں گا چانچہ اس کا ایک بیٹا اس عمر کو پہنچا۔ تو یہ شخص بہت بوڑھا ہوچکا تھا۔ اس کا بیٹا نبی اکرم (صلی اللہ علیہ وآلہ وسلم) کی خدمت میں حاضر ہوا اور عرض کیا میرا والد بہت بوڑھا ہوچکا ہے اور وہ حج کے قابل نہیں تو کیا میں اس کی طرف سے حج کرلوں آپ (صلی اللہ علیہ وآلہ وسلم) نے فرمایا۔ ہاں کرلو۔
قول محمد (رح) یہ ہے : ہمارا اسی پر عمل ہے۔ اس میں کوئی حرج نہیں کہ میت یا انتہائی بوڑھے مرد و عورت کی طرف سے حج بدل کرلیا جائے جس میں حج کی سکت نہ رہی ہو ۔ یہی امام ابوحنیفہ (رح) اور ہمارے عام فقہاء کا مسلک ہے البتہ امام مالک (رح) فرماتے ہیں کہ کوئی کسی طرف سے حج نہیں کرسکتا۔