Muawtta Imam Muhammad: Hadith 493

عاصم بن عدی رضی الہ عنہ سے روایت ہے کہ رسول اللہ (صلی اللہ علیہ وآلہ وسلم) نے اونٹ چرانے والوں کو منی سے باہر رات گزارنے کی اجازت مرحمت فرمائی تھی اور یہی بھی کہ وہ یوم نحر کو رمی کریں پھر آئندہ کل یا پرسوں کو دو دن کی رمی کریں اور پھر وہ منی سے کوچ کے دن رمی کریں۔
قول محمد (رح) یہ ہے : جس شخص نے دو دن کی رمی کو ایک دن میں جمع کیا۔ خواہ کسی سبب سے ہو یا بلا سبب تو اس کے ذمہ کوئی کفارہ واجب نہیں ہوتا۔ لیکن بلا سبب آج کی رمی کو کل پر اٹھا رکھنا مکروہ ہے اور امام ابوحنیفہ (رح) نے فرمایا کہ جب ایک دن کی رمی کو ترک کرکے دوسرے دن کیا جائے تو اس پر خون بہانا لازم ہوگیا۔