Muawtta Imam Muhammad: Hadith 51

ہشام بن عروہ نے اپنے والد عروہ کو موزوں پر مسح کرتے دیکھا۔ وہ موزوں کے مسح کے وقت ان کے اوپر کی جانب مسح کرتے تھے نہ کہ نچلی جانب۔ پھر وہ اپنی پگڑی کو اٹھاتے اور اپنے سر پر مسح کرتے۔
قول محمد (رح) یہ ہے ہم ان تمام آثار پر عمل کرتے ہیں۔ امام ابوحنیفہ (رح) کا بھی یہی قول ہے۔ مقیم کو ایک دن رات مسح کی اجازت ہے اور مسافر کو تین دن رات مسح کی اجازت ہے۔ امام مالک کہتے تھے کہ مقیم کو موزوں پر مسح کی اجازت نہیں ہے۔ حالانکہ ان سے مروی تمام آثار مسح مقیم ہی کے لیے ثابت کرتے ہیں مگر پھر بھی انھوں نے فرمایا کہ مقیم موزوں پر مسح نہ کرے۔