Muawtta Imam Muhammad: Hadith 550

عبداللہ بن عمر بیان کرتے ہیں کہ حضرت عمر (رض) نے فرمایا۔ لوگوں کو کیا ہوگیا کہ وہ اپنی کنیزوں سے عزل کرتے ہیں تاکہ اس کے ہاں بچہ نہ ہو پس اگر کسی کے آقانے مجھ سے اعتراف کرلیا کہ اس نے لونڈی کے ساتھ جماع کیا ہے تو میں اس کو بچہ اس سے ملا دوں گا خواہ وہ عزل کریں یا نہ کریں۔
قول محمد (رح) یہ ہے کہ یہ بات حضرت عمر (رض) سے لوگوں کو ڈرانے کے لیے کہی تاکہ لوگ اپنا پانی ضائع نہ کریں۔ جبکہ وہ ان سے جماع کرتے ہیں۔ ہمیں یہ روایت پہنچی ہے کہ زید بن ثابت نے اپنی کنیز سے مباشرت کی اس سے بچہ بیدا ہوا تو آپ نے اس سے انکار کردیا۔ حضرت عمر (رض) نے اپنے لونڈی سے مباشرت کی تو وہ حاملہ ہوگئی تو آپ نے یوں دعا کی۔ اے اللہ جو عمر کی اولاد سے نہیں۔ اسے اس کی اولاد کے ساتھ نہ ملا۔ اس لونڈی کے ہاں سیاہ رنگ کا بچہ پیدا ہوا تو اس نے اقرار کیا کہ یہ ایک چرواہے کا ہے۔ پس حضرت عمر (رض) نے اس بچہ سے انکار کردیا ہے۔
امام ابوحنیفہ (رح) کہتے ہیں کہ جب لونڈی کو پردہ میں رکھے اور اسے باہر نہ نکلنے دے اور لونڈی کے بچہ پیدا ہو تو اس کے اور اللہ تعالیٰ کے درمیان اس بات کی گنجائش نہیں۔ کہ وہ بچہ کا انکار کرے۔ ہم اسی کو اختیار کرتے ہیں۔