Muawtta Imam Muhammad: Hadith 589

صفیہ بنت ابی عبید سے روایت ہے کہ حضرت حفصہ یا عائشہ (رض) سے یا دونوں سے بیان کیا کہ رسول اللہ (صلی اللہ علیہ وآلہ وسلم) نے فرمایا۔ کہ جو عورت اللہ تعالیٰ اور آخرت کے دن پر ایمان رکھتی ہے اس کو جائز نہیں کہ وہ اپنے شوہر کے علاوہ کسی اور میت کا سوگ تین دن سے زائد دن کرے۔ ( ان دونوں آثار کو باب ما جاء فی الاحداد میں امام مالک نے ذکر کیا ہے)
قول محمد (رح) یہ ہے : کہ ہم اسی کو اختیار کرتے ہیں عورت کے لیے مناسب یہی ہے کہ عدت گزرنے تک وہ اپنے شوہر کا سوگ منائے۔ جب تک عدت نہ گزر جائے۔ نہ خوشبولگائے نہ زینت کے لیے تیل و سرمہ لگائے۔ یہی امام ابوحنیفہ (رح) کا اور ہمارے عام فقہاء کا قول ہے۔