Muawtta Imam Muhammad: Hadith 730

ابوبکر بیان کرتے ہیں کہ میں ابان بن عثمان کے پاس بیٹھا تھا کہ ان کی خدمت میں قبیلہ جہنہ کا ایک شخص يیا اور بنی حارث بن خزرج کے کچھ لوگ جھگڑتے ہوئے آئے۔ معاملہ یہ تھا کہ جہینہ کی ایک عورت بنو حارث کے ایک آدمی کے نکاح میں تھی۔ جس کا نام ابراہیم بن کلیب تھا۔ وع عورت فوت ہوگئی۔ اس نے مال اور کچھ آزاد کردہ غلام چھوڑے۔ اس کا بیٹا اور شوہر وارث ہوا۔ پھر اس کا وہ بیٹا فوت ہوگیا۔ تو اس کے وارثوں نے کہا کہ اس کی ولاء ہمیں ملے گی۔ کیونکہ اس کا بیٹا اس پر قابض تھا ۔ جہنی کہتے تھے کہ ایسا نہیں ہے۔ ولاء کے مستحق ہم ہیں۔ کیونکہ غلام ہمارے قبیلہ کی عورت کے ہیں۔ جب اس کا بیتا فوت ہوگیا ہے تو اب ولاء کے مستحق ہم ہیں۔ ابان بن عثمان (رح) نے فیصلہ کیا کہ آزاد کردہ غلاموں کی ولاء تو جہنیوں کو ملے گی ( ان دونوں آثار کو امام مالک (رح) نے باب میراث الولاء میں ذکر کیا ہے) جہنیہ والوں کو میراث عصبہ کی حیثیت سے ملی )
قول محمد (رح) یہ ہے : اسی کو ہم اختیار کرتے ہیں کہ جب بیٹا فوت ہوجائے تو اس کی ولاء اور میراث ان عصبات کو جو بعد میں فوت ہوں گے ان کو ملے گی۔ یہی امام ابوحنیفہ (رح) اور ہمارے عام فقہاء کا قول ہے۔