Muawtta Imam Muhammad: Hadith 732

سعید بن المسیب بیان کرتے ہیں کہ عمر بن خطاب (رض) نے کسی غیر عرب کو ترکہ دلانے سے انکار کردیا۔ مگر یہ کہ وہ عرب میں پیدا ہوا ہو۔ (اس اثر کو امام مالک نے باب میراث اہل الملل میں ذکر کیا ہے) ۔
قول محمد (رح) یہ ہے : ہم اسی کو اختیار کرتے ہیں۔ کہ حمیل وارث نہ ہوگا۔ حمیل سے مراد وہ بچہ ہے جو دار الحرب سے گرفتار کرے لایا جائے۔ اور اس کے استھ کوئی عورت بہی ہو اور وہ عورت دعوی کرے کہ میرا ب یٹا ہے۔ یا کہے یہ میرا بھائی ہے یا کہے کہ یہ میری بہن ہے تو محض کسی نسب کے اقرار کرنے سے گواہوں کے بغیر وہ وارث نہ ہوگا۔ سوائے باپ بیٹے کے۔ اس لیے کہ جب باپ دعوی کرے کہ یہ میرا بیٹا ہے۔ اور بیٹا اس کی تصدیق کرے تو وہ اس کا بیٹا شمار ہوگا اس کے لیے کسی گواہی کی ضرورت نہیں۔ سوائے اس بات کے کہ باپ غلام ہو اور اس کا آقا اس کا انکار کرے۔ تو اس صورت میں وہ باپ کا بیٹا مار نہ ہوگا۔ جب تک مالک اس کی تصدیق نہ کرے۔ کیہ یہ اس نے جنا ہے) تو تصدیق کی صورت میں اس کا بیٹا ہے۔ یہی امام ابوحنیفہ (رح) اور ہمارے عام فقہاء کا قول ہے۔