Muawtta Imam Muhammad: Hadith 754

عبد الرحمن حجبی نے حضرت عائشہ (رض) عنہا سے روایت نقل کی کہ جو شخص اس طرح کہے کہ میرا مال کعبہ کے دروازہ پر وقف ہے۔ تو وہ اس کا کفارہ ادا کرے گا۔ جیسے قسم کا کفارہ ادا کرتا ہے۔ ( اس روایتی کو باب جامع الایمان میں ذکر کیا ہے)
قول محمد (رح) یہ ہے : کہ ہمیں حضرت عائشہ (رض) عنہا سے یہ روایت پہنچی ہے ہمارے نزدیک بہتر یہ ہے کہ جو اس نے اپنے اوپر واجب کیا ہے۔ اسے پورا کرے۔ وہ اس رقم کو خیرات کردے اور جس قدر گزارہ کیلئے ہوسکتا ہے وہ رکھ لے۔ پھر جب فراخی ہو تو جس قدر روک لیا تھا۔ اسی قدر خیرات کردے یہی امام ابوحنیفہ (رح) اور ہمارے عام فقہاء کا قول ہے۔