Muawtta Imam Muhammad: Hadith 770

ابو الزناد کہتے ہیں کہ سلیمان بن یسار اور سعید بن المسیب رحمہا اللہ اس بات کو ناپسند کرتے تھے۔ کہ کوئی شخص غلہ سونے کے عوض فروخت کرے پھر اس سونے پر قبضہ کرنے سے پہلے ہی کھجور خریدلے۔
(اس روایت کو امام مالک (رح) نے باب ما یکرہ من بیع الطعام الی اجل میں ذکر کیا ہے)
قول محمد (رح) یہ ہے : ہم اس میں کوئی حرج نہیں خیال کرتے کہ کوئی شخص قبضہ کرنے سے پہلے اس کے عوض کھجور خریدے۔ بشرطیکہ کھجور موجود ہو۔ اور ادھار نہ ہو۔ یہ قول سعید بن جبیر (رح) کا ہے۔ انھوں نے اس میں کوئی حرج نہیں سمجھا اور فرمایا کہ اس میں کچھ قباحت نہیں۔ یہی امام ابوحنیفہ اور ہمارے عام فقہاء کا قول ہے۔