Muawtta Imam Muhammad: Hadith 771

ابن عمر (رض) بیان کرتے ہیں کہ رسول اللہ (صلی اللہ علیہ وآلہ وسلم) نے بیوپاریوں کو شہر سے باہر راستوں پر فروخت کرنے والوں کو ملنے سے منع فرمایا ہے۔ جب تک کہ وہ بازار میں نہ آجائے۔ دلالی ( خواہ مخواہ قیمت بڑھانے) سے منع فرمایا
(قول محمد (رح) یہ ہے : ہم اسی کو اختیار کرتے ہیں، یہ تمام باتیں مکروہ ہیں۔ نجش یہ ہے کہ آدمی آ کر بولی دینے لگے تاکہ قیمت بڑھ جائے حالانکہ اس کا ارادہ خریدنے کا نہ ہو۔ تاکہ دوسرا خریدار اس کی بولی سن کر اس کی کہی ہوئی قیمت پر خرید لے۔ یہ بالکل نا مناسب ہے۔ ہاں تک شہر سے باہر جاکر بیوپار یوں کو ملنے کا تعلق ہے اگر اس سے شہر والوں کو نقصان ہوتا ہو تو ایسا نہ کرنا چاہیے اور اگر سامان کثرت سے میسر ہو اور شہر والوں کو نقصان کا کوئی اندیشہ نہ ہو تو کوئی حرج نہیں ان شاء اللہ تعالیٰ ۔