Muawtta Imam Muhammad: Hadith 802

عبد الرحمن بن یعقوب ب یان کرتے ہیں کہ حضرت عمر (رض) کے زمانہ میں میں کپڑا فروخت کرتا تھا۔ حضرت عمر (رض) نے حکم دیا کہ ہمارے بازار میں عجمی لوگ فروخت نہ کیا کریں۔ کیونکہ یہ لوگ دین کی سمجھ نہیں رکھتے اور ماپ تول ٹھیک نہیں کرتے۔ یعقول کرہتے ہیں کہ میں حضرت عثمان (رض) کی خدمت میں گیا کہ آپ کو مفت کا فائدہ منظور ہی ؟ انھوں نے پوچھا وہ کیا ہے ؟ میں نے کہا کپڑا ہے۔ میں اس کی جگہ جانتا ہوں۔ اس کا مالک سستا فروخت کرتا ہے اور وہ اسے ( عجمی ہونے کی وجہ سے بازار میں) فروخت نہیں کرسکتا۔ کیا میں اس کپڑے کو آپ کے لیے خرید لوں۔ پھر آپ کی طرف سے فروخت کردوں ؟ انھوں نے جواب دیای ہاں۔ میں وہاں گیا۔ کپڑا خرید کر حضرت عثمان (رض) گھر لے آیا۔ جب حضرت عثمان (رض) واپس آئے تو انھوں اپنے گھر میں ڈھیر دی کہ کر فرمایا یہ کیا ہے ؟ لوگوں نے بتلایا یہ کپڑا ہے جو یعقوب لایا ہے۔ آپ نے فرمایا اسے بلاؤ۔ میں حاضر ہوا تو انھوں نے پوچھا یہ کیا ہے ؟ میں نے کہا وہی کپڑا ہے جس کا میں نے آپ سے ذکر کیا تھا۔ آپ نے فرمایا کہ تم نے اسے خوب دیکھ لیا ہے۔ میں نے عرض کیا آپ کو فکر مند ہونے کی ضرورت نہیں۔ لیکن حضرت عمر کے چوکیداروں خوف دلایا ہے۔ حضرت عثمان چوکیداروں کے پاس گئے اور کہا یعقوب میرا کپڑا فروخت کرتا۔ اسے منع نہ کرنا۔ انھوں نے کہا بہتر۔ پس میں کپڑا لے کر بازار گیا۔ پس تھوڑی ہی دیر میں کپڑا فروخت کرکے اس کی قیمت تھیلی میں ڈال لی۔ اور حضرت عثمان (رض) کی خدمت میں حاضر ہوا۔ وہ شخص میرے ساتھ تھا جس سے میں نے کپڑا خریدا تھا۔ میں نے اس سے کہا جو تمہارا ہے گن لو۔ چنانچہ اس نے اپنا حصہ شمار کیا مگر پھر بھی کافی مال بچ گیا۔ یعقوب کہتے ہیں کہ میں نے حضرت عثمان (رض) سے کہا یہ آپ کا ہے۔ اور میں نے کسی پر ظلم نہیں کیا۔ حضرت عثمان (رض) نے فرمایا اللہ تعالیٰ تمہیں جزائے خیر دے۔ وہ اس سے بہت خوش ہوئے۔ یعقوب کہتے ہیں کہ میں نے عرض کیا میں اس کے فروخت کرنے کی ایسی ہی جگہ بلکہ اس سے بہتر جگہ جانتا ہوں۔ آپ نے فرمایا۔ کیا دوبارہ ایسا کرنے کا خیال ہے۔ میں نے کہا ہاں۔ اگر آپکو پسند ہے۔ انھوں نے فرمایا۔ مجھے منظور و پسند ہے۔ میں نے عرض کیا اگر آپ مجھے شریک کرلیں تو میں نیکی کرنا چاہتا ہوں۔ فرمایا ہاں۔ میرے تمہارے درمیان نصفا نصف ہے۔
قول محمد (رح) یہ ہے : ہم اسی کو اختیار کرتے ہیں۔ اس میں کوئی حرج نہیں کہ دو افراد ادھار خرید نے میں شریک ہوں خواہ ان میں سے کسی کے پاس بھی سأس المال نہ ہو۔ اور وہ نفع کے متعلق شرط لگالیں کہ نفع نصف و نصف تقسیم کرلیں گے۔ اور نقصان بھی آدھ آدھ ہوگا۔ جب ایک شخص خرید و فروخت کا ذمہ دار ہوا اور دوسرا کچھ بھ نہ کرے تو اس کو زیادہ حصہ دینا جائز نہیں۔ اس لیے کہ جس مال کے نقصان کا دوسرا شخص ذمہ دار ہے تو وہ اس کا نفع کس طرح کھاسکتا ہے۔ یہی امام ابوحنیفہ (رح) اور ہمارے عام فقہاء کا قول ہے۔