Muawtta Imam Muhammad: Hadith 804

مروان بن حکم بیان کرتے ہیں کہ حضرت عمر (رض) نے فرمایا جس شخص نے صلہ رحمی کے طور پر یا صدقہ کے طور پر کچہ ہبہ کیا تو اس سے رجوع نہیں ہوسکتا۔ اور جس شخص نے کچھ ہبہ کیا اور اس ثواب و بدلہ لینے کی نیت ہو تو وہ ہبہ اپنی جکھ قائم ہے۔ اس سے وہ رجوع کرسکتا ہے۔ اکر وہ اس سے خوش نہ ہو۔ ( اس روایت کو باب القضاء فی الہبۃ میں امام مالک نے ذکر کیا ہے)
قول محمد (رح) یہ ہے : ہم اسی کو اختیار کرتے ہیں کہ جس شخص نے کسی رشتہ دار کو بطور صلہ رحمہ یا بطور صدقہ کوئی چیز ہبہ کردی اور جس کو ہبہ کیا گیا ہے وہ اس پر قابض ہوگیا۔ تو ہبہ کرنے والے کے لیے جائز نہیں کہ وہ ہبہ سے رجوع کرے لیکن جس شخص نے غیر رشتہ دار کو کوئی چیز ہبہ کی اور وہ اس پر قابض ہوگیا ۔ تو ہبہ کرنے والے کو اس سے رجوع کرنے کا حق حاصل ہے۔ اکر اسے اچھا بدلہ نہ ملے ای اس میں کوئی خیر نہ پائے یا اس کے ہاتھ سے کسی دوسرے کی ملکیت میں وہ چیز چلی جائے ( جسے وہ پسند نہ کرتا ہو) امام ابوحنیفہ (رح) اور ہمارے عام فقہاء کا یہی قول ہے۔