Muawtta Imam Muhammad: Hadith 822

یحییٰ نے سناء کہ جمیل مؤذن سعید بن المسیب (رح) کو کہہ رہے تھے کہ میں ان غلہ جات کو جو لوگوں کے لیے مقرر ہیں۔ مقام جار میں خرید تا ہوں پھر میں چاہتا ہوں کہ اس غلہ کو ایک میعاد مقرر کرکے فروخت کردوں تو سعید نے کیا تو ایسا چاہتا ہے کہ تو لوگوں کو اس غلہ سے ادائیگی کرے جو تو نے یخریدا ہے۔ جمیل نے کہا ہاں۔ سعید بن المسیب نے جمیل کو اس سے روک دیا۔ ( ممانعت کی وجہ بیع قبل القبض ہے) (اس روایت کو باب العینہ و ما یشبہہا میں ذکر کیا ہے)
قول محمد (رح) یہ ہے : کہ کسی کو جائز نہیں کہ وہ قبضہ کئے بغیر قرض والی چیز کو فروخت کرے۔ جب تک اسے ہاتھ میں مل نہ جائے کیونکہ اس میں دھوکا ہے۔ اسے کیا معلوم کہ وہ پورا وصول ہوگا یا نہیں۔ یہی امام ابوحنیفہ (رح) کا قول ہے۔