Muawtta Imam Muhammad: Hadith 843

عروہ بن زبیر روایت کرتے ہیں کہ حضرت عائشہ (رض) عنہا نے فرمایا۔ کہ عتبہ بن ابی وقاص نے اپنے بھائی سعد بن ابی وقاص کو وصیت کی کہ زمعہ کی لونڈی کا بیٹا میرے نطفہ سے ہے۔ تم اسے اپنے پاس رکھو۔ حضرت عائشہ (رض) عنہا نے کہتی ہیں کہ فتح مکہ کے دن سعد نے اسے اپنے قبضہ میں لے لیا۔ اور کہا کہ یہ میرا بھتیجا ہے۔ اس کے متعلق میرے بھائی نے وصیت کی تھی۔ عبد بن زمعہ نے دعوی کیا کہ یہ میرا بھائی ہے۔ اور میرے والد کی لوندی کا بیٹا ہے۔ اور اس کے بستر پر پیدا ہوا ہے۔ دونوں نے اپنا معاملہ رسول اللہ (صلی اللہ علیہ وآلہ وسلم) کی خدمت میں پیش کیا۔ سعد نے کہا یا رسول اللہ (صلی اللہ علیہ وآلہ وسلم) یہ میرا بھتیجا ہے۔ اس کے متعلق میرے بھائی نے وصیت کی تھی۔ عبد بن زمعہ بولے کہ یہ میرا بھائی ہے۔ میرے والد کی لونڈی کا بیٹا ہے۔ اور اس کے بستر پر پیدا ہوا ہے۔ رسول اللہ (صلی اللہ علیہ وآلہ وسلم) نے فرمایا۔ اے عبد بن زمعہ ! یہ تمہارا ہے۔ پھر فرمایا۔ لڑکا اس کا ہوتا ہے جس کے بستر پر پیدا ہو اور زانے کے لیے پتھر ہیں ( یعنی سنگساری کی سزا کا حق دار ہے) پھر آپ (صلی اللہ علیہ وآلہ وسلم) ن سودہ بنت زمعہ (رض) عنہا سے فرمایا۔ تم اس سے پردہ کیا کرو۔ اس لیے کہ اس لڑکے کی مشابہت عتبہ سے محسوس ہوتی ہے۔ چنانچہ حضرت سودی (رض) عنہا نے اس کو نہیں دیکھا (ہمیشہ پردہ کرتی رہیں) یہاں تک کہ فوت ہوگئیں۔ ( اس روایت کو باب القضاء بلحاق الولد بابیہ میں ذکر کیا گیا ہے)
قول محمد (رح) یہ ہے : کہ ہم اس کو اختیار کرتے ہیں بچہ اسی کا ہے جس کے بستر پر پیدا ہوا اور زانی کو سنگسار کیا جائے ۔ یہی امام ابوحنیفہ (رح) اور ہمارے عام فقہاء کا قول ہے۔