Muawtta Imam Muhammad: Hadith 850

یحییٰ بن سعید کہتے ہیں کہ میں نے سعید بن یسار (رح) کو بیان کرتے سنا۔ کہ ثابت بن ضحاک انصاری نے بیان کیا۔ کہ میں نے مقام حسرہ میں ایک اونٹ پایا۔ اس کی تشہیر کی۔ پھر حضرت عمر فاروق (رض) سے اس کا تذکرہ کیا تو آپ نے حکم دیا اس کی تشہیر کرو۔ ثابت کہنے لگے۔ میں اس سے اپنے کام کاج سے مجبور ہوجاؤں گا۔ میر زیمن اس بات سے مجھے مشغول کرنے والی ہے۔ حضرت عمررضی اللہ عنہ نے فرمایا پھر اسے جہاں تم نے پایا وہیں چھوڑ دو ۔ اس روایت کو امام مالک (رح) باب القضاء فی الضوال میں ذکر کیا ہے)
قول محمد (رح) یہ ہے : کہ ہم اسی کو مختار قرار دیتے ہیں۔ کہ اگر کسی شخص کو کوئی گری پڑی چیز مال جائے ۔ جس کی قیمت دس درہم ہو یا اس سے زیادہ ہو تو اسک سال اس کی تشہیر کرے۔ ( مالک مل جائے تو فبہا) ورنہ اسے خیرات کردے۔ اگر خود محتاج ہو۔ تو اسے کھالے۔ پھر اکر اس کا مالک آجائے تو اسے اختیار ہے کہ وہ اس کی قیمت لے یا ویسی ہی کوئی چیز لے لے۔ اور اکر قیمت دس درہم سے کم ہو تو جتنے دن مناسب خیال کرے اس کی تشہرکرے پھر اس سلسلہ میں ویسے ہی کرے جیسے پہلے کے ساتھ کیا ( خیرات کردے) اکر مالک آجائے تو اس کا حکم وہی ہوگا۔ جو پہلے کا ہے۔ اگر اس جگہ چھوڑ آئے جہاں سے پایا تھا تو وہ اس سے بری الذمہ ہوجائے گا۔ اس پر کوئی ذمہ دار ی نہ ہوگی۔