Muawtta Imam Muhammad: Hadith 903

ابو النضر مولی عبداللہ بن عبید اللہ نے عبداللہ بن عتبہ بن مسعود (رح) کے متعلق بیان کیا کہ وہ حضرت ابو طلحہ انصاری (رض) کی عیادت کو گئے۔ ان کے پاس سہل بن حنیف (رض) بھی موجود تھے۔ ابو طلحہ (رض) نے اس وقت ایک شخص کو بلایا کہ وہ ان کے نیچے سے گرہ کھینچ لں ر۔ سہل بن حنیف (رض) نے پوچھا گرہ کیوں کر کھینچتے ہو۔ انھوں نے جواب دیا کہ اس میں تصاویر ہیں۔ اور رسول اللہ (صلی اللہ علیہ وآلہ وسلم) نے ان کے متعلق ارشاد فرمایا جو کچھ کہ فرمایا وہ تم لوگ جانتے ہوئے۔ سہل نے کہا کیا آپ (صلی اللہ علیہ وآلہ وسلم) نے یہ نہیں فرمایا، مگر یہ کہ کپڑے کے اندرنقش ہوں ؟ ابو طلحہ (رض) نے کہا لیکن میری خوشی اسی بات میں ہے۔ ( کہ اس کو میرے نیچے سے نکال لیا جائے) ( اس روایت کو باب ما جاء فی الصورو التماثیل میں امام مالک (رح) نے ذکر کیا ہے)
قول محمد (رح) یہ ہے : کہ ہم اسی کو اختیار کرنے والے ہیں۔ اگر بچھائی جانے والی دری یا فرش پر تصاویر بنی ہوئی ہوں یا تکیہ پر ہوں تو ان میں کو مضائقہ نہیں۔ لیکن پردوں اور لٹکانے والے کپڑوں، نصب شدہ چیزوں پر منع ہیں۔ امام ابوحنیفہ (رح) اور ہمارے عام فقہاء کا یہی قول ہے۔