Muawtta Imam Muhammad: Hadith 930

عبد الرحمن اعرج (رح) نے ابوہریرہ (رض) سے نقل کیا کہ رسول اللہ (صلی اللہ علیہ وآلہ وسلم) نے فرمایا۔ مسکین وہ نہیں جو گھر گھر پھرتا ہے اور اس کو لوگ ایک دو لقمہ یا ایک دو کھجور دے دیتے ہیں۔ صحابہ کرام (رض) عنہم نے سوال کیا مسکین کون ہے ؟ تو رسول اللہ (صلی اللہ علیہ وآلہ وسلم) نے فرمایا۔ مسکین وہ جس کے پاس اتنا نہ ہو کہ جو اس کو مستغنی کرسکے اور نہ لوگ اس کو غریب خیال کرتے ہوں کہ اس پر صدقہ ہی کردیں۔ اور نہ وہ لوگوں کے سامنے مانگنے کھڑا ہو۔
قول محمد (رح) یہ ہے : یہ شخص عطیہ کا سب سے زیادہ حقدار ہے۔ ان میں سے جس کو تم زکوۃ دو تو تمہارے لیے دینا جائز ہے۔ اور یہی امام ابوحنیفہ (رح) کا قول ہے۔ اور ہمارے عام فقہاء اسی طرف گئے ہیں۔