Muawtta Imam Muhammad: Hadith 944

عبید بن حنین نے ابو سعید خدری (رض) سے روایت نقل کی کہ رسول اللہ (صلی اللہ علیہ وآلہ وسلم) منبر پر تشریف فرما ہوئے۔ اور ارشاد فرمایا کہ ایک بندے کو اللہ تعالیٰ نے اختیار دیا کہ وہ چاہے تو اسے دنیا کی بہادے دی جائے جتنی اسے پسند ہو۔ اور اگر وہ پسند کرے تو اس کے ہاں جانا پسند کرے۔ اس بندے نے اللہ تعالیٰ کے ہاں جو کچھ ہے اس کو پسند کرلیا۔ یہ سن کر ابوبکر (رض) رو پڑے اور کہنے لگے ہمارے ماں ، باپ آپ پر قربان ہوں۔ ابو سعید کہتے ہیں کہ ہم نے اس پر تعجب کیا۔ لوگوں نے کہا اس بوڑھے کو دیکھو کہ رسول اللہ (صلی اللہ علیہ وآلہ وسلم) تو ایک بندے کی خبر دے رہے ہیں۔ جس کو اللہ تعالیٰ نے اختیار دیا ہے۔ اور وہ کہہ رہے ہیں۔ ہم آپ پر اپنے ماں ، باپ وارتے ہیں۔ حالانکہ رسول اللہ (صلی اللہ علیہ وآلہ وسلم) نے فرمایا۔ بیشک لوگوں میں مجھ پر سب سے بڑھ کر احسان کرنے والا خواہ دوستی کے لحاظ سے ہو یا مال کے لحاظ سے ہو وہ ابوبکر (رض) ہیں۔ اگر میں کسی کو خلیل منتخب کرتا تو ابوبکر کو خلیل بناتا۔ لیکن اخوت اسلام کی اخوت ہے اور مسجد میں جن مکانات کی کھڑکیاں کھلتی ہیں۔ وہ تمام بند کردی جائیں صرف ابوبکر (رض) کی کھڑکی کھلی رہے۔