Muawtta Imam Muhammad: Hadith 955

ولید بن عبداللہ بن صیاد نے بیان کیا کہ مجھے مطلب بن عبداللہ المخزومی (رض) نے بیان کیا۔ کہ ایک شخص نے رسول اللہ (صلی اللہ علیہ وآلہ وسلم) سے دریافت کیا کہ غیبت کیا ہے ؟ رسول اللہ (صلی اللہ علیہ وآلہ وسلم) نے فرمایا۔ تم کسی شخص کے متعلق ایسی بات کہو کہ اگر وہ سن پائے تو اسے ناپسند لگے۔ اس نے سوال کیا یا رسول اللہ (صلی اللہ علیہ وآلہ وسلم) اگرچہ وہ سچی بات ؟ آپ (صلی اللہ علیہ وآلہ وسلم) نے فرمایا اکر تم نے جھوٹی بات کہی تو یہ بہتا ن ہے۔ (اس روایت کو امام مالک (رح) نے باب ما جاء فی الغیبۃ میں ذکر کیا ہے)
قول محمد (رح) یہ ہے : کہ ہم اسی کو اختیار کرتے ہیں۔ مناسب نہیں کہ مسلمان بھائی کی کسی ایسی لغزشوں کو بیان کیا جائے۔ جو اسے ناگوار ہوں۔ لیکن خواہشات کا غلام جو اتباع خواہشات میں معروف ہو۔ اور وہ بدکار جو علانیہ برائی کا ارتکاب کرنے والا ہو تو ان دونوں کے برے افعال بیان کرنے میں کوئی حرج نہیں۔ لیکن اگر کسی مسلمان کے متعلق ایسی بات بیان کرے جو اس میں پائی نہیں جاتی تو یہ بہتان اور جھوٹ ہے۔