Al Tahawi: Hadith 1111

١١١١: عروہ بن زبیر کہتے ہیں کہ مجھے بشیر بن ابی مسعود (رض) نے اپنے والد ابو مسعود (رض) سے بیان کیا کہ جناب رسول اللہ (صلی اللہ علیہ وآلہ وسلم) عصر کی نماز ادا فرماتے اس حال میں کہ سورج سفید بلند ہوتا نماز سے فارغ ہو کر آدمی ذوالحلیفہ تک چلا جاتا جو کہ چھ میل کے فاصلہ پر واقع ہے اور سورج ابھی غروب نہ ہو پاتا۔ یہ روایت بھی ابوعروہ والی روایت کے موافق ہے اور اس میں اس بات کا اضافہ ہے کہ وہ عصر کی نماز ایسی حالت میں پڑھ لیتے جبکہ سورج ابھی بلند ہوتا۔ یہ اس بات کی دلیل ہے کہ آپ اس کو مؤخر فرماتے اور حضرت انس (رض) سے بھی اسی طرح کی روایت آئی ہے۔
تخریج : ابو داؤد فی الصلاۃ باب ٢‘ نمبر ٣٩٤۔
حاصل روایت یہ ہے کہ یہ حدیث ابی ارویٰ (رض) کے موافق ہے اور اس میں یہ الفاظ زائد ہیں کہ وہ نماز سے فارغ ہوتے اس وقت سورج ابھی بلند ہوتا یہ اس بات کی دلیل ہے کہ وہ نماز کو مؤخر کرتے اور یہ دلیل اس طرح ہی بنے گی کہ جب ان کی قوت رفتار کو زیادہ تسلیم کیا جائے۔ حضرت انس بن مالک (رض) کی روایت بھی اس پر دلالت کرتی ہے۔